أخبار محكمة الأسرة
محكمة الأسرة .. عايدة: مرات جوزي الأولى سبب خراب بيتي هى وبنتها
كان سبب تواجد «عايدة» في محكمة الأسرة ليس زوجها او أهله ولكن الزوجة الأولى الذي انفصل عنها الزوج بسبب معانته معها، منذ زواج «عايدة» اكتشفت أن زوجها سيكون ملئ بالمشاكل والخلافات بسبب الزوجة الأولى ولكنها حاولت بكل الطرق ان تحافظ على بيتها لكن الخلافات كانت كثيرة على قدرة تحملها، وعندما توفت الزوجة الأولى ظنت أن المشاكل ستنتهي لكنها كانت مخطئة فأصبحت ابنه الزوج من الزوجة الأولى سبب وصول «عايدة» لهذه النهاية.
قصص محكمة الأسرة
قالت «عايدة» صاحبة الدعوى أمام محكمة الأسرة: «أنا اتجوزت من 5 سنين، جوزي كان متجوز قبلي وطلق مراته من قبل ما نتجوز وعنده منها بنت، أنا كنت عارفة الكلام ده قبل لما اتقدملي اتجوزه ووافقت عليه على أساس إنه خلاص خلص منها، لكن اكتشفت في الأخر إني غلطانة، اتجوزنا في بيت عايلة وجبت منه بنت وكان نفسي نعيش حياة طبيعية ونربيها سوا.»
حكاوي محكمة الأسرة،
تابعت «عايدة»: «من ساعة ما اتجوزت والمشاكل كلها كان سببها مراته القديمة، هو أصلا طلقها عشان مشاكلها معاه كانت ست مش طبيعية، كان سبب طلاقهم أنها مش مريحاه عملت مشاكل في بيت العايلة مع أهله ولما خد شقة بره بيت العايلة عملت مشاكل برضو لحد ما زهق منها وطلقها.»
حوادث محكمة الأسرة
أكملت «عايدة» حديثها: «بعد الطلاق خدت بنتها وهربت كانت خايفة يخطف بنتها منها بس هو مكنش هيعمل كدة، خدتها منه وخلته ميشوفهاش، عملت معايا مشاكل كتير ومكنتش باخد على كلامها وأقول تعبانة نفسيا وعندها مشاكل، كانت عايزة ترجع واتحايلت عليه إنه يرجعها لكنه رفض، لحد ما ماتت في حادثة حريقة.»
حكايات محكمة الأسرة
أضافت «عايدة»: «بعد ما اتوفت قلت خلاص المشاكل هتتحل لكن بالعكس المشاكل زادت، لما بعد ما اتوفت جابولي بنتها تعد معايا، منت ناوية اشيلها في عيني واربيها مع بنتي لكن البنت طلعت عيني كانت نسخة من أمها، كانت سبب مشاكل كتير بيني وبين جوزي ومهما حاولت اعاملها كويس كانت، بتكدب دايما وتوقع بينا وتقول لجوزي اني بضربها، وهو طبعا كان بيصدقها.»
قضايا محكمة الأسرة
أنهت «عايدة» حديثها: «فوق مشاكل البنت وامها، اهل أمها كانوا بيعملوا معايا مشاكل، لحد ما البنت عملت بينا مشاكل كتير مبقتش قادرة اتحملها خلاص وجوزي كان بيجي عليا أنا وبنتي عشانها، لحد ما قررت أرفع عليه قضية خلع عشان أخلص من العذاب اللي انا عايشة فيه.»
تابع أحدث الأخبار عبر
