أخبار محكمة الأسرة
محكمة الأسرة .. تهاني في دعوى خلع: جوزي حرامي و رد سجون
كانت محكمة الأسرة هي نهاية حياة «تهاني» الزوجية وكان السبب في تواجدها هو زوجها الذي لم يتسم بالأمانة أو الصدق طول حياته معها وكانت حياتهم سويا مليئة بالمتاعب بسبب دخول الزوج للسجن عدة مرات بسبب أفعاله الخطأ وسرقاته المتكررة، وتحملت الزوجة أفعال زوجها الخطأ من أجل زوجها لكن توجهت في النهاية لمحكمة الأسرة لتنهي حياتها البائسة معه.
قصص محكمة الأسرة.. وثقت في ابن عمي واتجوزته
قالت «تهاني» في بداية حديثها: «أنا اتجوزت من 20 سنة جوزي كان ابن عمي اول 3 سنين كويس ومفيش منه مشاكل، خلفت منه 3 بنتين وولد، المشاكل كلها بدأت بقالها أكتر من 10 سنين، كنت بتحمله وبعدي عشان خاطر ولادي لكني كنت غلطانة»
دعاوي محكمة الأسرة.. جوزي رد سجون
أكملت «تهاني» حكايتها وقالت: «المشكلة الكبيرة معاه إنه كان سلوكه مش كويس ولا بيصرف علينا وكان كل شوية يدخل السجن يتحبس ويطلع، أول مرة اتفصل بسبب شغله انه مش أمين وبيسرق اتحبس ساعتها وقالي انه مظلوم صدقته لأنه جوزي وأبو ولادي، لكن الموضوع اتكرر كذا مرة لحد ما خلاص بقيت مصدقة انه حرامي.»
قضايا محكمة الأسرة.. رجعتله أسبوع واحد بعد الطلاق
تابعت «تهاني»: «حتى لما كان بيبقى مش مسجون كان مبيشتغلش وبيكسل في شغله، حاولت معاه كتير أنه يتعدل وجبتله شغل واستمر عليه فترة وافتكرت ساعتها أنه خلاص اتعدل لكنه اتفصل بسبب السرقة بعد ما اتفصل عن شغله حاله اتقلب، بقى أسوء من الأول ومبهدلني تعبت منه و واتطلقنا ورجعتله لما قالي انه هيتغير وبعد أسبوع واحد بس لقيته إنه لسه زي ما هو ومتغيرش لسه سلوكه وحش ومبيصرفش وبيسرقني.»
حكايات محكمة الأسرة.. رفعت قضية خلع عشان أخلص منه
أنهت الزوجة حديثها وقالت: « سيبته تاني ومرضيتش ارجعله تاني ابدا لما رجعت أول مرة رجعت عشان بنتي الكبيرة كانت خطوبتها قلت ارجعله عشان بنتي تلاقي أبوها وامها جنبها ويمكن يتعدل لكن لقيت مفيش فايدة معاه، سيبته تاني مرة وطلبت المرة دي منه الطلاق ورفض واضطريت أرفع قضية خلع عشان أخلص منه أنا مش عايزة أعيش معاه تاني. »
تابع أحدث الأخبار عبر
