محكمة الأسرة.. غادة بدعوى خلع: مقدرش أكمل معاه وهو عارف إني بخونه
دعوى خلع كانت السبب التي جعلت «غادة» ومحاميتها يتجها لمحكمة الأسرة، ولكن على عكس أغلب الدعاوى التي ترفع في المحكمة في هذه القضية كان الزوجين محل الخطأ ولم يكن الخطأ يقع على واحد منهم فقط كانوا الاثنين السبب في وصول زواجهم لهذه النهاية، فكان خطأ الزوجة هو خيانتها لزوجها من سنين وخطأ الزوج سكوته على أفعال زوجته.
حكايات محكمة الأسرة
" الزوجين أشخاص مش كويسة وأنا مكنتش عايزة أدافع عن الزوجة عشان هي مش مظلومة» هذا ما بدأت به المحامية وصفها لهذه القضية وتابعت: «الاتنين اتجوزوا من 17 سنة وخلفوا 3 بنات، و من بعد 5 سنين جواز الزوجة بقت بتخرج مع رجالة وبتخون الزوج وهو عارف»
قالت المحامية على لسان الزوجة: «قالتلي في الأول كنا بنستعبط على بعض هو عامل نفسه مش عارف وأنا فاكراه مش عارف بس كنت حاسه انه يعرف، لحد اخر سنتين مبقاش في استعباط وبقى بيطلب مني مقابل انه ساكت، لحد ما بقى في عداوة بينا ومش طايقين نعيش سوا»
اخبار محكمة الاسرة
فوق الخيانة كان الزواج ملئ بالمشاكل الأخرى بين الزوجين ووضحتها المحامية قائلة: «الزوج كان بيقبض 2000جنية، والزوجة بتصرف على البيت 10 آلاف جنيه كانت بتشتغل بس طبعا شغلها مكنش بيجيب كل ده هي كانت بتجيب فلوس من الرجالة اللي تعرفهم وهو كان عارف بالكلام ده ومبيتكلمش».
قصص محكمة الأسرة
تابعت المحامية: «المشاكل الكبيرة بدأت لما جابت شقة بالفلوس الحرام وكتبتها باسمه عشان هو مكنش قادر يجيب وكانت طالبة منه إنه يكتبها باسم البنات لكنه مكتبهاش باسمهم وبدأت المشاكل معاه من ساعتها وقتها الكلام كله بقى على المكشوف، مبقتش قادرة تتحمله، بعد سنتين خلاف سابت كل حاجة دهبها وقايمتها والشقة خد كل حاجة ومخدتش منه حقها، وجاية بع كدة تطالب بحقها عشان مكنتش متصورة انه ياخد كل حاجة ويسبها هي وبناتها من غير حاجة.»
قضايا محكمة الأسرة
أنهت المحامية كلامها: «جابت شقه ايجار بعد ما سابته وفرشتها وبناتها معاها، ودلوقتي رافعة عليه قضية خلع عشان تخلص منه لأنها مش عايزه تعيش معاه بعد ما كل حاجة اتكشفت».
تابع أحدث الأخبار عبر
