أخبار محكمة الأسرة
محكمة الأسرة.. أسماء: مستتاه في البيت وأخرتها بتضرب قدام عيالي الكبار
على أعتاب محكمة الأسرة تواجدت «أسماء» التي عاشت سنين عديدة مع زوجها كان يملأها الألم والحزن والقسوة وبالرغم من تحملها لزوجها لسنين عديدة لم يقدر الزوج أي من تضحياتها وأسقاها العذاب في حياتها معه من ضرب وإهانة أمام أولادها وبخله عليها بأمواله، حتى أوصلها لمحكمة الأسرة حتى تحصل على حريتها وعلى حقوقها التي منعها زوجها عنها وتنقذ أولادها من مستقبل مجهول مع والدهم.
قصص محكمة الأسرة.. عشرين سنة في عذاب
قالت «أسماء»: «أنا اتجوزت من 20 سنة وخلفت من جوزي 5 أولاد المشاكل معاه بدأت من زمان أوي، من ساعة ما اتجوزت وهو كدة ومسيبتوش من بدري لأني مكنتش عايزة أخرب بيتي بأيدي، اتحملته وقلت الرجالة كلها كدة وهو طبعه صعب شوية بس ممكن اتحمله وبكرة يتعدل.»
دعاوي محكمة الأسرة.. بشتغل وبصرف عليه
أكملت «أسماء» حديثها: «المشاكل معاه كانت من زمان وكل مادى بتزيد كانت أكبر مشاكلي والسبب اللي سيبته عشان مبيصرفش ولا عايز يشيل مسؤولية أي حاجة كان بيسيبني أنا وولادي من غير أكل أو شرب واضطريت إنيس انزل اشتغل عشان خاطر ولادي ميبقوش ميكونوش محتاجين حاجة وبقيت بصرف على البيت وعليه.»
حكايات محكمة الأسرة.. بيكسر كل حاجة عليا
أكملت الزوجة: «بعد ما استحملت عمايله معايا لقيت ان مفيش فايدة كل مادى بيبقى أسوء من الأول، كان بيضربني طول الوقت ومش ضرب عادي كان بيضربي ضرب تعنيف، بقالي سنين بتضرب بالحزام والبوكسات البونيات ومتبهدلة معاه مفيش حاجة مكسرهاش عليا، وكل ده وانا ساكتة ومستحملة عشان خاطر ولادي.»
قضايا محكمة الأسرة.. رفعت قضية خلع عشان اخلص منه
أنهت «أسماء» حديثها وقالت: «لحد ما تعبت منه وقررت اسيبه ومرجعلوش تاني لأني لقيت أنه معايا ولادي كبار ومبقاش ينفع يشوفوا أمهم بتضرب قدامهم قررت وقتها لإن خلاص كفاية كدة، رفعت عليه قضية خلع من قريب لأنه رفض الطلاق، ومن ساعة ما سيبته مبيسألش فينا يعني الوضع زي ما كنت معاه بس من غير الضرب وكدة أحسن سيبته عشان أعرف ابني مستقبل لأولادي ونعيش حياة طبيعية بعد اللي شفناه منه.»
تابع أحدث الأخبار عبر
