خلود بدعوى نفقة: مش طبيعي بيضربني من أول الجواز كأنه بيتخانق مع واحد صاحبه
بعد زواج خلود اكتشفت أن أحلامها الوردية في دخول القفص الذهبي كانت مجرد أحلام والواقع كان كابوس مؤلم بسبب زوجها الذي دمر حلمها ولم تستطع أن تتعايش معه.
ضرب وإهانة كان شكل الحياة التي عاشتها خلود مع زوجها الذي منذ زواجه منها لم يحترمها أو يقدرها ولكن هانها ولم يصونها، وكانت مدة زواجها منه ٣ أشهر فقط وبالرغم من قصر المدة لكن الألم الذي عاشته كان أكبر من قدرة تحملها ، وكان ممكن أن تتحمله لكن عندما وصل الضرر لابنها الذي كانت حامل فيه توجهت لمحكمة الأسرة حتى تتخلص من هذا الجحيم وتنقذ ابنها من متقبل مجهول بسبب والده.
كان ملاك وقت الخطوبة
قالت خلود: «أنا اتجوزت من 2020 عيشت مع جوزي ٣ شهور بس و فضلت سنتين غضبانة وأعده عند أهلي، جوزي كان كويس جدا أول ما اتقدملي مكنش يبان عليه اي حاجة وحشة من قبل الخطوبة كان طبيعي خالص، لو كان بان عليه أي حاجة غلط مكنتش اتجوزته لكن مكنش في مشكلة ، ومن بعد الجواز بشهرين اتغير وبقى واحد تاني و كان يضربني .»
بيضربني ضرب يشوهني
تابعت خلود: «سيبته لأنه كان بيضربني من أول الجواز، كان مريض نفسي وتعبان تصرفاته مش تصرفات حد طبيعي، كان بيقوم عليا ويضربني كأنه بيضرب واحد صاحبه، والضرب بسبب ومن غير سبب، كان بيضربني ضرب يشوهني، جسمي كله متعور بسبب الضرب، مش عارفة كان بيعمل معايا كدة ليه هو كان مبيشربش مخدرات أقول هي سبب عمايله دي»
بيضربني وأنا حامل
أضافت خلود: «عندي من جوزي ولد واحد بس وسيبت جوزي وأنا حامل فيه، لأنه كان بيضربني وانا حامل وكان هيموتني أنا وابني خفت يعمل فينا ايه لما ابني يتولد وقررت اسيبه عشان ألحق ابني ومرجعلوش تاني ابدا، ومبيسالش على الولد خالص من ساعة ما اتولد.»
دعاوي في محكمة الأسرة
أنهت خلود حديثها: اتطلقت في شهر8، بعد ما فضلنا سنتين مبهدلني في المحاكم رافعة عليه قضايا نفقة عشان اخد منه حقي وخدته منه عن طريق اهلي في الأخر وقفوا معايا وساعدوني، هو محاولش يرجعني من ساعة ما اطلقت.»
تابع أحدث الأخبار عبر
