«متجوز 15 واحدة».. ضحى: فاتح شقة دعارة واللي تتسمك منهم يطلع الورقة العرفي
واحدة من أصعب قضايا محكمة الأسرة تواجدت الزوجة أمام محكمة الأسرة، ومازال في عينيها الدموع والصدمة على ما اكتشفته عن زوجها عشرة عمرها.
ضحى: فاتح شقة دعارة واللي تتسمك منهم يطلع الورقة العرفي
عندما تقدم عريس «ضحى» لخطبتها كانت تعرف أهله معرفة جيدة وظنت أن ابنهم الذي نشأ في بيت أخلاقه طيبة سيكون محترمًا ويرعاها ويصونها، ولسنين ظنت أنها محقة بشأنه ولكن كانت صدمتها عندما اكتشفت أن زوجها عشرة عمرها انخدعت فيه طوال هذه السنين وأنه رجل منعدم الشرف ويصرف عليها من أموال حرام، وتوجهت الزوجة بسرعة لمحكمة الأسرة حتى تنهي حياتها مع الرجل الذي لا تستطيع أن تأمن له مرة أخرى.
زواج صالونات
قالت ضحى: «أنا اتجوزت من 2011 وخلفت من جوزي ولدين، جوزي لما اتقدملي أنا كنت أعرفه وأعرف أهله كويس أنهم ناس كويسة ومش بتوع مشاكل عشان كدة وافقت عليه ومتوقعتش أبدًا إني اشوف منه حاجة وحشة عشان كده معرفتش الحقيقة طول السنين دي»
زوج طبيعي وحياة عادية
تابعت ضحى: «من ساعة ما اتجوزت والحياة كانت عادية، جوزي كان راجل عادي وخلفت منه الولدين وكنا بنربيهم سوا، وهو كان بيصرف علينا ومش مخلينا محتاجين حاجة، الدنيا بينا كانت عادية ومفيش مشاكل غير العادي زي أي اتنين، بس مكنش مشاكل كبيرة».
جوزي طلع متجوز 15 ست
أكملت ضحى: «لحد ما اكتشفت أن جوزي فاتح شقة دعارة هو بيعمل كده بقاله فترة بس اكتشفت متأخر، طلع متجوز جوازات عرفي كتيرة جدًا معدي اللي الشرع محلله مش متجوز 4 بس طلع متجوز 15 واحدة، الستات اللي بيتجوزها هي اللي مشغلها وفاتح بيهم شقة الدعارة، بيتجوزهم عشان لو اتقفش وحد شك فيهم يبقى في عقد جواز».
دعاوي في محكمة الأسرة
أضافت ضحى والدموع في عينيها: «كانت صدمة عليا معرفش بدأ ده من امتى و طول السنين دي مكنش يبان عليه أي حاجة وحشة، سايباله البيت أنا والولاد من شهرين من ساعة ما عرفت ورفعت عليه قضايا رد منقولات و رد مشغولات ذهبية وقضية نفقة وطلاق الضرر، هو ميعرفش أحنا فين من ساعة ما سيبته، أنا استخبيت في حته ميعرفش طريقنا انا مش عايزة أشوفه تاني أنا بس عايزة حق عيالي.»
تابع أحدث الأخبار عبر
