«مشفتش معاه يوم حلو».. نهلة تطلب الخلع: رجعتله عياله لما قال عليهم ولاد حرام
عاشت «نهلة» في معاناة مع زوجها من أول يوم زواج وظنت أنها عندما تتركه وتنهي حياتها معه أن حياتها ستتحسن لكنها كانت مخطئة، فواجهت الزوجة ظروف صعبة مع زوجها وبعد انفصالها عنه.
تزوجت «نهلة» زواج صالونات وطوال حياتها الزوجية كانت يملأها المشاكل والخلافات مع الزوج، وبعد مشاكل عديدة مع الزوج كانت تنتهي بإهانة الزوجة فاض بها الكيل وقررت ان تتركه حتى تنقذ نفسها من هذه الحياة التعيسة، كان خوف الزوجة طوال سنين زواجها أنها عندما تترك زوجها لن تجد مكان تلجأ إليه هي وأبنائها أو مصدر دخل يكفيهم، وعندما انفصلت عن زوجها تحققت مخاوفها، ولم يتركها زوجها في حالها وكان يضايقها باستمرار حتى اضطرها أن تتخلى عن أولادها وتتوجه لمحكمة الأسرة حتى ترفع دعوى خلع.
اقرأ أيضا
زواج صالونات
قالت نهلة: «أنا اتجوزت من 9 سنين معايا من جوزي ولد وبنت، كان جواز صالونات، لما اتقدملي كان شخص كويس ووافقت عليه وكان عندي أمل أنه يكون سندي في الدنيا، بس كان العكس ومشفتش معاه يوم حلو».
جوزي بيضربني ويبهدلني
تابعت نهلة: «المشاكل والخلفات مع جوزي كانت من أول الجواز خلافات ومشاكل على أي حاجة، تعبت منه ومن بهدلته كان على طول بيشتمني ويبهدلني وسوء سمعتي قدام الناس، والخلافات والخناقات كانت بتوصل إنه يمد ايده عليا ويضربني، ومهما حاولت أرضيه مفيش حاجة بتعجبه»
صبرت عليه مضطرة
أكلمت نهلة: «كنت بصبر عليه لأن مفيش مكان ليا أروحه وأنا مبشتغلش مكنش ليا حد يصرف على العيال، مهما حاولت معاه أنه يتعدل كان مفيش فايدة، لحد ما تعبت منه حسيت لو كملت معاه هيجرالي حاجة وساعتها قررت اسيبه، خدت ولادي واعدت عند واحدة قريبتي لحد ما اشوف هعمل ايه»
اضطريت أسيب ولادي
أضافت نهلة: «من بعد ما سيبت البيت مش سايبني في حالي كل شوية يكلمني ويشتمني في التليفون ويبهدلني، بالرغم أنه اتجوز بعد ما مشيت على طول لكنه برضو مسابنيش في حالي، مكنش معايا أصرف على العيال وقريبتي مكنتش هتتحملني العمر كله، لحد ما اضطريت اديله العيال لما قال عليهم ولاد حرام مش عياله رجعتهم ليه».
دعوى خلع
أنهت نهلة كلامها: «اديته العيال غصب عني لأني مقدرتش أشيل مسؤوليتهم لوحدي وهو مبيصرفش عليهم، بكلمهم في التليفون لكن مش عارفة أشوفهم، عرفت أن مراته بتضربهم وبتعذبهم بس مش في إيدي حاجة اعملها، وجيت أرفع قضية خلع».
تابع أحدث الأخبار عبر
