مروة بدعوى نفقة: «المخدرات دمرت حياتنا وبيضربني عمال على بطال»
عندما حلمت «مروة» أن تصبح عروسة لم تتوقع أبدا أن تكون نهايتها في محكمة الأسرة بسبب زوجها مدمن المخدرات الذي لم يكفيه أنه أصبح مدمن لكنه دمر حياة زوجته بسبب ضربه وإهانته المستمرة لها.
مروة بدعوى نفقة
كانت قصة «مروة» مثل العديد من الزوجات الاتي اكتشفوا أن أزواجهن مدمنين للمخدرات، نفس المعاناة ونفس الألم ولكن ما زاد هو الألم الجسدي الذي عاشته بسبب ضرب زوجها لها عندما يتعاطى المخدرات وبالرغم من صبر الزوجة على أفعال زوجها التي لا تحتمل، كان هو الذي تركها هي وأولادها وهرب لسنين عديدة وكان سبب تواجدها أمام المحكمة تبحث عن حقوقها الذي سرقها منها هي وأولادها.
جوزي راجل زي أي راجل
قالت مروة: «أنا متجوزة من زمان، عندي من جوزي عيلين، جوزي في الأول كان كويس وراجل عادي جدا زي أي راجل، مكنش في مشاكل غير العادية زي أي اتنين، اللي حصلنا في الأخر مكنتش أتوقعه خالص»
جوزي طلع مدمن مخدرات
تابعت مروة: «أنا مطلقة بقالي خمس سنين بالمحكمة والعيلين عايشين معايا، اطلقت لأني اكتشفت أن جوزي بيتعاطى مخدرات من زمان، مكنتش أعرف لكن عرفت لما لاقيته مبيصرفش وفلوسه كلها شايعة بعد ما كانت فلوسه لبيته وأولاده، دورت وراه لحد ما عرفت.»
حاولت أعالج جوزي
أكملت مروة كلامها: «مكنتش اعرف لكن لما عرفت اعدت عشان مخربش البيت وحاولت اعالجه عشان خاطر ولادي، لكنه مكنش بيتعالج، وصل بيه الأمر إنه كان بيضربني وهو شارب بيبقى مش شايف قدامه هو بيضرب ازايي ولا مين قدامه كان بيبقى مش في وعيه. »
جوزي طفش بقاله 5 سنين
أضافت مروة: «أخرتها بعد ما اتحملته هو اللي سابنا وطفش بقاله خمس سنين، معرفش راح فين طول السنين دي، من قبل ما يسبنا أنا اللي بصرف على ولادي ومش مخلياهم محتاجين حاجة، عرفت بعد كده إنه عند أهله وهما عارفين انه بيشرب مخدرات ومحدش بيقفله وحاول يرجعني كتير وانا اللي مردتش، ورفعت عليه قضية نفقة عشان أقدر أكفي ولادي واعوضهم عن اللي شافوه مع أبوهم»
تابع أحدث الأخبار عبر
