"بخيل ومش مكفي بيته".. عائشة للقاضي: لما أطلب منه جبنة يشتري حتتين
من أكبر المشاكل التي تواجه السيدات التي ترفع دعوى بمحكمة الأسرة هي أن الزوج بخيل وغير قادر على تحمل المسؤولية ولا يريد أن يصرف على بيته أو على أولاده، مثل قصة «عائشة».
عندما دخلت «عائشة» قفص الزوجية كانت تظن أن الحياة مع زوجها ستكون وردية ويملأها الفرحة والسعادة، ولكن بعد الزواج اكتشفت أن كل أحلامها تدمرت وتحولت لكابوس مؤلم لم تفق منه إلا على أعتاب محكمة الأسرة تطلب الطلاق من زوج كان البخل طبعه وعاشت معه حياة يملأها الحاجة ولم تشعر معه بالأمان أبدا.
زواج تقليدي وحياة طبيعية
قالت «عائشة»: أنا اتجوزت من 4 سنين كان جواز صالونات سألنا عليه لما اتقدم وافقت عليه لما لقيته مناسب، الحياة بيني وبين جوزي كانت طبيعية كان زي أي راجل عادي ومفيش مشاكل في الأول لكن بعد فترة المشاكل بانت ومع الوقت كانت بتزيد.
جوزي بخيل ومش عايز يصرف
أكملت «عائشة»: اكتشفت بعد فترة من الجواز ان جوزي بخيل، مش عايز يصرف غير على القد، بيجيب الحجات البسيطة بس لو طلبت أي حاجة زيادة يرفض يجبها، في الأول حاولت أتعود على طبعه واتحمله لكن بعد فترة مبقتش اقدر اتحمله لأني خلفت بنتي والمصاريف زادت علينا وهي ملهاش ذنب.
بيجبلي حتتين جبنة على القد
تابعت «عائشة»: كان بخيل جدا كل لما اطلب منه لبس للبنت يرفض ويقول ملهاش لازمة، لما كنت عايزة اعمل تحاليل وأنا حامل قلتله عايزة اروح للدكتور رفض وقالي انا سألت بره والناس قالتلي مش هتحتاجي تعملي تحاليل دلوقتي، ولما أطلب منه جبنة يجبلي حتتين يقولي على قدك، لما جيت اولد كان عايزني اولد عند أهلي عشان يصرفوا عليا وهو ميدفعش جنيه وفعلا عمل كدة.
دعوى خلع
أنهت «عائشة» كلامها: أخر ما زهقت منه قررت اسيبه ومبقتش قادرة اتحمل الحياة معاه، مصاريف الحياة بتكتر وهو مكمل في طبعه ومش راضي يتغير، اشتكيت لأهلي واشتكيت لأهله والناس بتتكلم معاه وهو زي ما هو مبيتغيرش، من ساعة ما سيبت البيت مسألش فيا أنا وبنتي اننا نرجع كأنه ماصدق، رفعت علية قضية خلع ونفقة عشان أخلص منه وأخد حق بنتي منه.
تابع أحدث الأخبار عبر
