«أنا اللي بشتغل واصرف».. إسراء لـ القاضي: رفض يطلقني غير لما أدفع حق المأذون
منذ بداية زواجها ظهرت حقيقة زوج «إسراء» وبالرغم من كل عيوبه تحملت حتى لا تخرب حياتها وحياة أولادها ولكن عندما وجدت أنه لا يوجد أي أمل في الحياة مع زوجها قررت أن تبعد فورا.
"من ساعة ما اتجوزته مش عايز يشتغل، وطريقته معايا مش كويسة، وبيعرف عليا ستات" هذه هي المعاناة التي عاشتها «إسراء» مع زوجها لمده 11 سنة وبالرغم من طباع الزوج السيئة كانت الزوجة على استعداد أن تتنازل وتتحمل وتعيش هذه الحياة لكن زوجها لم يقدرها، وحتى بعد طلاقهم لم يرحمها ودفعها لأبواب محكمة الأسرة.
بستلف وأصرف على البيت
قالت «إسراء»: اتجوزت من 2008 وكان عندي 23 سنة، واتعرفت عليه عن طريق القرايب، خلفت منه ولدين 13 سنة و10 سنين، واتطلقت من 2019، المشاكل معاه بدأت من أول الجواز كان يشتغل شهر يعد قصاده شهرين، مفيش تفاهم بيني وبينه لكني كنت مستحملة وعايشه عشان ولادي، كنت أنا اللي بشتغل وبصرف عليه وعلى البيت وعلى الولاد، أي حاجة البيت كان بيحتاجها كنت أنا اللي بتصرف واجيبها، هو مكنش شايل مسئولية أي حاجة.
قال عليا كلام وحش وأنا على ذمته
تابعت «إسراء»: كان بيعرف عليا ستات من زمان وأنا كنت بعدي وامشي الدنيا، لحد من فترة اشتغل ولما اشتغل جه عليا أنا وولادي، والمعاملة بقت زفت، أتكلم عليا كلام وحش وأنا على ذمته، قلب عليا لا بيكلمني ومش راضي يعد معايا أنا وولاده، قلتله أنت بتعمل معايا كده ليه كفاية اللي بعمله عشان خاطرك أنا مستحملاك أنت ترضى إني أعمل اللي أنت بتعمله زي مانت بتعرف ستات عليا، قالي روحي اعملي اللي انتي عايزاه من ساعتها مستحملتش إني أعيش معاه أكتر من كده.
مرات طليقي قالتلي روحي المحكمة
أكملت الزوجة كلامها وقالت: كان عندي استعداد استحمل أي حاجة منه لكن بعد الكلمة اللي قالها دي مكنش ينفع أكمل معاه تاني، طلبت الطلاق رفض يطلقني غير لما اتنازل عن كل حاجة قايمة ومؤخر وكل حاجة وادفع حق المأذون، متطلقه من 2019 مرفعتش دعوى نفقة غير السنة اللي فاتت، لأني عملت عميلة تغيير مفصل بسبب إني كنت بطلع من شغل على شغل، ومبقتش أقدر اشتغل من ساعة العملية، حاولت امشيها ودي مراته أسلوبها وحش جدا قالتلي روحي المحكمة اشتكي.
تابع أحدث الأخبار عبر
