«أنا كيرفي وعينه زايغة».. مريم لقاضي الخلع: بيحب الستات المليانة ومبقتش عجباه
كانت حياة «مريم» قبل الزواج طبيعية وكانت أحلامها أن يكون لديها أسرة وتنجب أطفال مع من اختارته أن يكون لها سند وضهر في الدنيا وعندما تقدم لها عريسها ظنت أن هذا هو الشخص الذي ستحقق معه أحلامها ولكنها كانت مخطئة.
تزوجت «مريم» وأنجبت طفلتها وكانت الحياة بينها وبين زوجها طبيعية، حتى بدأت شكوكها حول زوجها وظنها إنه يخونها، وتأكدت شكوكها بعد ما وجدت ملابس تتركها لها عشيقة زوجها حتى تجعلها تعلم خيانة زوجها، وعندما واجهت زوجها كان ينكر كل مرة وصدقته «مريم» حتى لا تخرب بيتها، لكن في النهاية أوصلتها خيانة زوجها لمحكمة الأسرة حتى تحصل على حريتها منه.
اقرأ أيضا
جواز صالونات
قالت «مريم»: أنا اتجوزت بقالي 3 سنين، ومن سنة وسبع شهور عند أهلي، كان جواز صالونات اتقدملي وسألنا عليه واتخطبت سنتين، اتجوزنا وخلفت منه بنت ومكنش في أي مشاكل ولا في الخطوبة ولا في أول الجواز.
بيخوني في بيتي
تابعت «مريم»: لحد ما اكتشفت أني لما بروح عند أهلي بيجيب ست البيت، عرفت لما لقيت قميص نوم في البيت وفي جواب مكتوب ليا فيه اللي حصل بينهم، لما واجهته قالي أنا أديت المفتاح لواحد صاحبي وهو اللي عمل كدة، والجواب ممكن يكون لمراته وعديتها وصدقته عشان مخربش بيتي.
قفشته بيخوني
أكملت «مريم»: تاني مرة حصلت لقيت حاجة تاني تخصها مخبياها في بيتي عشان أنا اشوفها، تالت مرة كنت راجعة من عند أهلي وشفتها وهي نازلة وكانت بتبصلي جامد استغربتها، لما شفته في البيت لقيته متوتر قلتله انت ايه اللي جابك بدري من الشغل قالي ايه اللي جابك بدري من عند اهلك، ولما دخلت اوضة نومي لقيتها متبهدلة وباين ايه اللي حصل فيها، خدت بنتي ومشيت على طول.
دعوى خلع
أنهت «مريم» حديثها: طلع بيحب الستات المليانة لأنه اتجوز بعد ما مشيت من واحدة شبه اللي كان بيخوني معاها، ومن ساعة ما سيبت البيت أنا وبنتي حاول يرجعني تاني لكن أنا رفضت بعد اللي عمله معايا، ومن ساعتها متصلش تاني ولا شوفت وشه، ولما عرفت إنه اتجوز طلبت الطلاق ورفض يطلقني ورفعت عليه قضية خلع عشان مش عايزة أفضل على ذمته.
تابع أحدث الأخبار عبر
