دعاء في محكمة الأسرة: مبيخلنيش أزور أهلي وبيضربني على أتفه الأسباب
كان حلم «دعاء» هو تكوين أسرة وبيت وعائلة مع الشخص الذي يختاره قلبها، وعندما تزوجت كان كل أملها تحقيق حلمها، لكن أفعال زوجها التي لا تحتمل دمرت حلمها وحولته لكابوس.
دعاء في محكمة الأسرة: مبيخلنيش أزور أهلي وبيضربني على أتفه الأسباب
بدأ التغيير يظهر على زوج «دعاء» من بعد الزواج فبعد قصة حب نشأت بينهم قبل الزواج عندما تعرفوا على بعض في مكان عملهم وتحدي «دعاء» لأهلها وزواجها منه، لم تتوقع الزوجة ان تكون نهايتها في محكمة الأسرة بسبب زوج لم يتقي الله فيها أو يحميها، فكانت الحياة معه يملاها التحكم والضرب والإهانة والمعاناة حتى قررت الزوجة أن توقف معانتها لتحافظ على ما تبقى من عمرها هي وأبنها.
جواز عن قصة حب
قالت «دعاء»: أنا اتجوزت عن قصة حب اتعرفت على جوزي من الشغل وكان كويس جدًا ومحترم ومفيش بينا مشاكل، لما جه اتقدم مكنش معاه شقة، وأنا وقفت قدام أهلي واتصرفت وخليت أمي تديله شقة نتجوز فيها ويدفعلها الإيجار زي أي حد واتجوزنا وخلفت منه ولد بس.
متحكم في كل حاجة
تابعت الزوجة: من بعد الجواز وهو بقى واحد تاني، بقى بيتحكم في كل حاجة أروح فين وأجي منين أنزل امتى وارجع امتى مكنش بيخليني أزور أهلي، ولا أزور حد من صحابي ولا حد يزورني، وأخرتها قعدني من الشغل كان عصبي جدًا وأنا كنت بحاول اتقي شره.
بيضربني بسبب ومن غير سبب
أكملت «دعاء»: لحد ما وصل بيه الأمر للضرب لو طلبت أزور أهلي واشوفهم ولو رحت عندهم يقولي متكلميش حد ومتسلميش على حد، كان بيشك فيا طول الوقت، والضرب كان بسبب ومن غير سبب، أخر مرة ضربني عشان بسأل مفاتيح الشقة وداها فين راح ضربني علقة موت وعملتله محضر في القسم ومن ساعتها مرضيتش اكمل معاه.
دعوى خلع ونفقة
أنهت «دعاء» كلامها: من ساعة أخر مرة ضربني عملتله محضر وأنا خلاص مبقتش أقدر أعيش معاه، رفعت خلع ونفقة، ومسيبتش البيت هو اللي مشي وراح عند أمه الشقة لسه بتاعت أمي، وهو دلوقتي بيصرف على أمه ومش بيسأل على ابنه.
تابع أحدث الأخبار عبر
