نهاد بدعوى نفقة: «كان سبب موت ابني قبل ما اشوفه واخرتها مبيسألش فينا»
واجهت «نهاد» في حياتها وجع لا تريد أي أم أن تختبره في يوم من الأيام وهو خسارة ابنها، وكان السبب في هذه الخسارة هو زوجها الذي ظنت أنه سيكون سندها في الدنيا ولكنه كان سبب ألم كبير في حياتها.
تزوجت «نهاد» وكان أكبر أحلامها أن تصبح أم ويكون لديها أسرة، ولكن بعد زواجها تحولت كل احلامها في الحياة لكوابيس بسبب زوجها الذي سبب لها الكثير من الأذى، وبعد ما كرمهم الله بنعمة الأطفال لم يقدر الزوج هذه النعمة أو زوجته ، ولكنه عذبها وجعل حياتها جحيم وفي النهاية كان السبب في وفاه ابنهم الذي لم يولد بعد، ولم تجد الزوجة حل أمام قسوة زوجها سوى أن تتوجه لمحكمة الأسرة لتحصل على حقوقها منه لأنه لم يتسم بأي رحمة ولم يسأل عليها أو على أولادهم.
مبيسألش في أنا وعياله
قالت «نهاد»: «أنا فضلت 5 سنين متجوزة، ودلوقتي سايبه جوزي من 4سنين ، معايا منه ولدين وبنت، لما سيبته كنت حامل في ابني الصغير ومن ساعته مسألش في أنا أو عياله، قبل الجواز كان كويس جدا لكنه اتغير من بعد الجواز بقى واحد تاني بالذات بعد الخلفة، بقى مبيصرفش وعلى طول عصبي وبيعمل مشاكل».
ابني مات بسبب ابوه
تابعت الزوجة: «كنت بحاول أمشي الدنيا ومعملش مشاكل، لكنه كان على طول بيعمل مشاكل بسبب ومن غير سبب، لحد ما ربنا أراد وكنت حامل في عيل ومات في بطني اتحجزت ومسالش فيا وسقط في المستشفى، العيل مات بسبب اني كنت تعبانة وطلبت من جوزي أني أروح أكشف راح خنقني وكان عايز يموتني لولا ستر ربنا اني لحقت قبل ما يموتني، العيل كان ميت في بطني وأنا معرفش لحد ما رحت المستشفى وعرفت أن ابني مات بسبب أبوه».
اقرأ أيضا
رجعتله بعد ما كان سبب موت ابني
أكملت«نهاد»: «معملتش محضر عشان ميتحبسش ده أبو عيالي برضوا مع اني السبب في اللي حصلي، ساعتها كنت هسيبه لكنه اتحايل عليا ارجعله عشان العيال، ولما رجعت حملت في ابني الصغير طلب مني انزله ومكنش ينفع انزله واستحرمت اني اعمل كدة، عمل مشاكل معايا كتير و اضطريت اسيب البيت وانا حامل في ابني الصغير ولدت عند أمي ومبيسألش فينا من ساعتها».
قضية نفقة
أنهت «نهاد» كلامها: ربنا أراد اني اولد ابني ومن ساعتها مصرفش علينا جنيه، شاف ابني لما اتولد ومشافوش تاني، بيشتغل ومعاه فلوس ومبيسالش على العيال، فجيت عشان ارفع قضية نفقة.
تابع أحدث الأخبار عبر
