«شكه طال قرايبي».. سناء للقاضي: بيغير من كابتن الكورة اللي بيدرب ابني
كانت نتيجة المعاملة القاسية التي عاملها زوج «سناء» لها طوال سنين زواجهما سبب تواجدها في محكمة الأسرة وطلبها الحصول على حريتها من رجل لم ترى معه سوى الشك والإهانة.
سناء للقاضي: بيغير من كابتن الكورة اللي بيدرب ابني
"بيشك فيا من ساعة ما اتجوزته" هذا ما بدأت به «سناء» حديثها عن الحياة التي عاشتها مع زوجها، وكانت نتيجة المعاملة التي كان يعاملها الزوج لزوجته أن تنتهي قصتهم في محكمة الأسرة بسبب الغيرة والشك، وفي النهاية رفض الزوج أن يصرف أي أموال على أولاده حتى يعاقب زوجته، مما دفع الزوجة ان تمنعه أن يرى أطفاله وكانت أفعالها ما هي إلا رد فعل على أفعال الزوج التي لا تحتمل.
الشك عاميه
قالت «سناء»: اتجوزت من 2015 وجبت من جوزي بنت وولد، المشاكل مع جوزي كانت من زمان وكانت بسبب الغيره، هو كان كويس مش بيشرب ولا بيسهر وكويس مع ولاده، بس مع الوقت مشاكل بسبب الغيرة كانت بتزيد، الأول كنت بتحمل وكانت بتعدي انما بعد كدة مبقاش حد يقدر يتحمل عمايله.
مش بيخليني أسلم على قرايبي
تابعت الزوجة: كان بيغير عليا من أي حد كل مشكلة بينا كانت سببها الغيرة، من أول أهلي أي رجالة قرايبي ميخلنيش اتكلم معاهم ولا أسلم عليهم حتى، لحد ما وصل بيه إنه بيغير من الكابتن النادي اللي بيدرب ابني كورة وهو أصغر مني في السن وأنا مكنتش بكلمه ولا ليا علاقة بيه أصلا.
هنطلق بسبب الغيرة
أضافت «سناء»: بقى مش عايز يودي ابني النادي يتدرب وعايز ينقله قلتله وديه انت يتدرب مرضيش، حصلت مشاكل كتير كل ده بسبب المدرب وفي الأخر سيبت البيت لما تعبت منه، ومن ساعتها هو مش عايز يدفع أي مصاريف للعيال، رفعت قضية نفقة طلبني في بيت الطاعة رفعت قضية خلع وسقطت الطاعة اللي رفعها.
عايز يشوف العيال ومبيصرفش عليهم
انهت «سناء» كلامها وقالت: من ساعة ما سيبته اعده مع والدتي وهي اللي بتصرف عليا وعلى ولادي، سال كذا مرة على العيال وبيكلمنا بس مبيجيش يشوفهم انا رافضة انه يخليه يشوفهم ، ازاي مش عايز يدفع ولا جنية ليهم وعايز يشوفهم.
تابع أحدث الأخبار عبر
