«منحوسة وحظي وحش في الجواز».. ولاء: جوزي الأول ميتعشرش والتاني شكاك
تزوجت “ولاء” في مقتبل عمرها من شخص وأنجبت منه 3 أولاد واكتشفت بعد ذلك أن الحياة معه مستحيلة، فلجأت للطلاق لتحصل على حريتها، وعندنا تقدم لها شخص توسمت فيه الخير وتزوجته 10 سنوات، لينتهي بها الأمر في محكمة الأسرة تسعى لتحصل على حريتها مرة أخرى، وهي الآن سيدة ناضجة عملها الزمن وقستها الحياة.
منحوسة وحظي وحش في الجواز
«ولاء» في أول نظرة ترى أنها سيدة محترمة وأخلاقها حسنة ويبدو عليها أنها من طبقة متوسطة، وعند الحديث معها لتعرف قصتها تكتشف أنها أنجبت من زوجها الأول الذي لم تستمر معه لمدة طويلة 3 أولاد، وبعد معانتها معه من أنه رجل قاس لا يصرف عليهم بالرغم أنه مقتدر ماديًا، وأنه يقسو عليها وعلى أولادها.
لم تهتم «ولاء» بنظرة الناس أو المجتمع لها وقررت الطلاق منه، وظنت أن في زيجتها الثانية أنها ستعوض ما فاتها في حياتها ورضيت بأن تكون زوجة ثانية لمدة 10 سنين حتى وصلت لنفس النهاية وهي الطلاق ولكن هذه المرة عن طريق محكمة الأسرة.
العيشة مع جوزي الأول كانت صعبة جدًا ولا تحتمل
قالت «ولاء» عن زواجها الأول: “أنا اتجوزت مرتين، جوزي الأول عندي منه ٣ ولاد انفصلت عنه بسبب مشاكل مادية مكنش بيصرف علينا بالرغم إن شغله كويس وهو مقتدر ماديا، أنا اللي كنت بشتغل وبصرف على ولادي، اتجوزته فترة قليلة العيشة معاه كانت صعبة جدًا مقدرتش استحمل اخلاقه مش كويسة بيشتم وبيضرب، الضرب كان كل ما اطلب منه فلوس مصاريف للولاد، طلبت الطلاق واطلقت منه بعد مشاكل كتير وفضل ميصرفش عليا ولا على ولاده التلاتة”.
اقرأ أيضا
جوزي التاني كان أحسن من الأول ألف مرة لكن مشكلته الغيرة
تابعت «ولاء»: جوزي التاني كان محترم جدًا مشفتش منه اي حاجة وحشة مكنش بيغلط فيا زي زوجي الاول، لكن اطلقت من جوزي التاني بسبب الغيرة لا تحتمل، كنت مراته التانية اتجوزته ١٠ سنين وهو كان لسه مكمل مع مراته، مكنتش تعرف انه متجوز عشان مكنتش هتوافق على جوازه، ومخلف منها لكن احنا مخلفناش أنا كان عندي ولادي بربيهم وهو عنده عياله من الأولى، الصراحة كان أحسن من زوجي الأول الف مرة مكنش قاعد معايا على طول بسبب انه متجوز، موضوع الغيرة ده كان من زمان فيه حتى من قبل ما نتجوز زمان لكن كترت مع الوقت لحد ما زادت ومبقتش قادرة استحملها.
أنهت «ولاء» حديثها وقالت: "جيت محكمة الأسرة زمان عشان أرفع دعوى نفقة على أبو ولادي وأخد حقهم من أبوهم اللي مبيسألش عليهم، لكن دلوقتي جيت أرفع دعوى خلع، أنا حاليًا عايشة وبربي ولادي ونفسي أخليهم مش محتاجين حاجة ومش عايزة حاجة تاني من الدنيا".
تابع أحدث الأخبار عبر
