اجهضت مرتين بسبب أهله.. سلمى بدعوى خلع :"راميني عند أهلي بقاله سنة"
فارس الأحلام الفستان الأبيض هو ما كانت تحلم به سلمى عندما تقدم لخطبتها أول رجل دخل حياتها، وفور تعرفها عليه وقعت في حبه ، ولم ترد من الدنيا سوى أن تكمل حياتها معه وتنجب منه أطفال وتنشئ أسرة ، طنت أنه فارس أحلامها الذي ستدخل معه القفص الذهبي لكن القدر كان يخبئ لها مفاجأة أخرى.
تزوجت «سلمى» من عريسها الذي كان جارها وتقدم لها عن طريق زواج الصالونات، وكانت تريد فقط أن تتزوج وتعيش حياة مستقرة لأنها عانت في حياتها بسبب طلاق والديها، وعندما تزوجت «سلمى» ظنت ان الحياة ابتسمت لها ينتهي بها الأمر في محكمة الأسرة بعد سنتين فقط من زواج حب عمرها لترفع عليه دعوى خلع وتضع نهاية علاقتهم.
اتغير هو واهله بعد الجواز
قالت «سلمى»: «جوزي كان جارنا واتجوزنا جواز صالونات عن طريق أهله، اتخطبنا واتجوزنا والحياة كانت تمام، أهله قبل الجواز كانوا كويسين جدا معايا ومكنوش بيعملوا أي مشاكل ولا هو كان بيزعلني، بس كل ده اتغير بعد الجواز، وفضلت معاه سنتين بس».
كل يوم يضربني واجهضت بسبب اهله
تابعت «سلمى» "من بعد الجواز أهله تغيروا وبيعاملوني كاني خدامه ، أروح بيتهم أنضف وغسل وأمسح، اجهضت مرتين بسبب الخدمة والشغل في البيت كتير عند أهله، تاني مرة حمل دي الجنين اتوفى في الشهر السابع توفى بسبب الحركة بتاعتي الكتير ، وفوق اللي مستحملاه من أهله هو كان كل يوم يضربني."
اتحملت الخيانة عشان مطلقش
اضافت الزوجة: "اتغير جدا بعد الجواز بقى ضرب طول الوقت، بقى بيمسك التليفون ويتكلم فيه كتير ومبيسبهوش، وكنت حاسة أنه يعرف عليا واحدة ، والحال وصل بينا اخر فترة كل واحد فينا بينام في اوضة مختلفة، واستحملت كل ده ومكنتش بشتكي عشان كنت عايزة اعيش ومطلقش انا ما صدقت اعمل بيت، انا تعبت كتير واتبهدلت مع أهلي لما اطلقوا، وكنت عايشة مع أمي وانا اللي مجهزة نفسي.
مبيسالش فيا وراح خطب واحدة تانية
أكملت «سلمى»: "لحد ما هو فجاه رماني عند أهلي من غير سبب، ولما أمي كلمته عشان تصالحنا قالها دي واحدة فقر وشكلها مش هتخلف وأنا مش عايزها، وخد العفش كله وداه بيت أهله ولما رحت لقيت حاجتها متكسرة ومتبهدلة قلت مش عايزة منه حاجة وزي ما باعني انا مش عايزاه ، وفضلت سنة مستنياه يا يطلق يا يرجع عشان لسه بحبه، بس لما لقيت مفيش فايدة في الرجوع رفعت قضية خلع.
تابع أحدث الأخبار عبر
