سهى في دعوى نفقة: اتطلقت منه بسبب بخله وبعد الطلاق وراني البخل بجد
تزوجت «سهى» ولم تتخيل أن مشاكلها مع زوجها ستوصلها في النهاية لمحكمة الأسرة، فحاولت «سهى» بكل الطرق أن تصلح حياتها مع زوجها من أجل أولادها، ولكن مع الوقت زوجها كان يزيد في بخله وقسوته عليهم حتى كتب أسطر النهاية في قصة زواجه من «سهى».
كان البخل هو ما شهدته «سهى» مع زوجها لمدة 19 عام، وطول هذه السنين حاولت بكل الطرق أن تتعايش مع طبع زوجها، ولكن فوق كل هذا كانت معاملة زوجها معها يملأها الكذب والخداع والمعاملة القاسية وكان زوجها يسرقها ويأخذ منها أموالها، وعندما فاض بها الكيل قررت أن تطلب الطلاق منه، وظنت أن مشاكلها ستنتهي مع زوجها ولكنها واجهت نفس البخل والقسوة منه عليها وعلى أولادها وكان السبب في أن تلجأ لمحكمة الأسرة حتى تحصل على حقوقها وحقوق أولادها.
بخيل علي أنا وولاده
قالت «سهى»: اتجوزت من 19 سنة وجيبت من جوزي 3 أولاد وسيبته من 10 سنين، من ساعة ما اتجوزته كان في مشاكل بينا كان بيشتغل ومبيصرفش، بيبخل عليا أنا وولاده، كنت شغالة انا وهو في نفس المكان انا مرتبي بيزيد كل سنة وهو بيكدب عليا ويحلف أن مرتبه مبيزدش، كان بيستلف عشان يكفي البيت وهو معاه بس عشان يقنعني إنه معهوش فلوس.
اللي بيدهوني باليمين يسحبوا بالشمال
تابعت «سهى»: كان بيصرف على القد بالظبط، وكان بيسرقني وياخد مني فلوس ولما أقوله أن فلوسي ناقصة يقولي انتي بتنسي بتحطي فلوسك فين، فبقيت اكتب اللي معايا واكتشفت انه بيسرقني وبيستغل إني بنسى وبيستلف مني مرتين، كان لو مش عارف مكان فلوسي يعمل معايا خناقات كبيرة عشان يعرف، وطبعا كان بيضربني ويبهدلني بس كنت بستحمل عشان خاطر ولادي.
حياته كلها كذب
أكملت «سهى» وقالت: أهله زهقوا منه كل ما اشتكيلهم مفيش فايدة معاه، حياته كلها الكذب وانا كنت بصدقه عشان واثقة فيه، لحد ما حصلت بينا مشكلة كبيرة قررت ساعتها إني تعبت منه ومش عايزة اكمل معاه، رمى عليا اليمين واتطلقنا واتفكرت اني خلصت منه خلاص.
مبيسألش في عياله
أنهت «سهى» كلامها قائلة: لما اطلقت اكتشتف انه مش طبيعي وشفت منه الويل أكتر، رمالي عاى عفشي ماية نار وعلى كل حاجة تخصني أنا وعيالي عشان ميبقاش في حاجة تنفع تاني، وشفت البخل اكتر بعد الجواز مكنش بيصرف مبيخدش عيل يجيبله لبس أو أي حاجة، رافعة قضايا نفقة من زمان ودلوقتي جاية اخد حكم حبس لأنه مبيدفعش النفقة.
تابع أحدث الأخبار عبر
