«مستغفلني بقاله سنتين».. حنان في دعوى خلع: مهنياه 19 سنة وفي الآخر طلعلي ضرة
19 عامًا تحملت فيهم قسوة الزوج وجبروته، فكانت هي الوحيدة المتحملة جميع مسئوليات المنزل أما هو فكان لا يعرف أي شيء عن المنزل والأولاد وعلاوة على ذلك كان لا يعاملها إلا بالضرب، صبرت من أجل أولادها ولكنها لم تجد أي تقدير وكان مكافأتها هي الزواج من أخرى، قررت طلب الطلاق ولكنه رفض وأخبرها بأنها إذا فكرت في الانفصال تكون نهاياتها القتل، شعرت بالخطر ما جعلها تلجأ لمحكمة الاسرة ورفع دعوى خلع.
"اكتشفت إنه متجوز عليا بقالي سنتين" استهلت حنان حديثها بهذه الكلمات لقاضي محكمة الأسرة التي توسلت إليه، وتكمل قائلة: "بقالي 19 سنة عايشة معاه في قرف وساكتة ومستحملة عشان خاطر العيال وأقول معلش، أنا اللي شايلة البيت من اول سنة في الجواز وهو ميعرفش أي حاجة عن البيت، وحتى لما خلفت ميعرفش حاجة عن العيال".
مهنياه من ساعة الجواز وطلع ميستاهلش
أكدت الزوجة أنها تعيش أسوأ أيام حياتها مع زوجها الذي ظنته في البداية أنه سيكون العوض لها، ولكن السنوات التي عاشتها معه تأكدت فيها أنها تدفع ثمن اختيارها، وتستكمل حديثها: “بصرف على البيت وكنت ساكتة عشان خاطر العيال، يضربني واعدي وأقول برضو معلش بلاش أخرب البيت، يقعد من الشغل وأنا برضو اللي اصرف عليه واعديها، وفضلت على الحال دا من أول الجواز وأنا صابرة ومستحملة”.
تابعت: "سنة عدت ورا سنة لحد ما ضيعت نص عمري معاه واحنا على نفس الحال وه ومبيتعدلش، لحد ما فقدت الأمل فيه خلاص وبقيت اركز مع العيال وبس".
متجوز عليا بقاله سنتين ومستغفلني
التفتت الزوجة لأولادها فقط وقررت عدم الالتفات لتصرفات زوجها، ولكن ما كشفته جعلها تريد الانفصال بلا رجعة أو تردد وعندما طلبت منه الطلاق كان الرد الغير متوقع، تابعت الزوجة رواياتها: “عرفت إنه متجوز عليا بقاله سنتين ومقدرتش استحمل موضوع جوازه دا ولما طلبت منه الطلاق قال لي مفيش طلاق، ولو طلبتي تاني الطلاق هقتلك، بس مش عارفة أعمل إيه معاه”.
تنهي الحديث وتقول: "مستسلمتش وخدت العيال ورفعت عليه قضية خلع طالما هو مش عايز يطلق وأنا كدا كدا متنازلة عن كل حاجة ومش عايزة من وشه أي حاجة خالص، بقالي 5 شهور ماشية في إجراءات الخلع".
تابع أحدث الأخبار عبر
