أم شروق بمحكمة الأسرة: اقنعوا بنتي تسيب خطيبها وجوزوها لابنهم اللي بهدلها
على أعتاب محكمة الأسرة تواجدت «أم شروق» مع ابنتها الذي تدمرت حياتها وأسرتها بسبب تدخلات أهل زوجها وعدم رغبة زوجها في الزواج منها من الأساس، واضطرت «شروق» أن تتركه بعد المعاناة التي عاشتها معه.
زوجت «أم شروق» ابنتها وحلمت ان تراها سعيدة ومرتاحة في بيت زوجها وهو في نفس الوقت ابن اخيها، ولكن بعد سنتين ونصف فقط عادت لها ابنتها وهي تجر أذيال الحسرة والألم على زواجها الذي تدمر بسبب زوجها وأهله، لم يبنى زواج «شروق» على الحب من البداية ولكنهم ظنوا أن مع العشرة سيولد الحب والألفة بينهم ولكنهم كانوا مخطئين، وكانت نهاية الزواج مأساوية في محكمة الأسرة.
اقرأ أيضا
اتجوزت ابن خالها ومصانهاش
قالت «أم شروق»: بنتي اتجوزت من سنتين ونص ابن اخويا وكنا فاكرينه هيحفظها ويصونها لكن حصل العكس، خلفت منه بنت بس، والمشاكل معاه بدأت من ساعة ما اتجوزوا، امه كانت بتتدخل في كل مشاكلهم لحد ما في الاخر كانت هي سبب طلاقهم، بنتي حاولت معاه كتير أن حاله يتصلح لكنه مصانهاش وبهدلها، كان يضربها على أي حاجة بسبب ومن غير سبب، وعلى طول يسيب الشقة ويروح يعد عند أمه.
اقنعوها تسيب خطيبها عشان ابنهم
أكملت الأم: بنتي وجوزها كانوا مش متجوزين عن حب، هو كان خاطب واحدة تانية وبيحبها وأهله كانوا مش راضيين عليها وعايزين بنتي، بنتي كانت مخطوبة لواحد بيحبها وأقنعوها تتجوز ابن خالها، لحد ما سابت خطيبها واتجوزت اللي بهدلها وطلع عينيها بس مكنتش تعرف انه هيعمل معاها كدة.
خطف منها بنتها اللي عندها ٢٠ يوم
أضافت «أم شروق»: اللي خلاها تسيبه هو إنه خد منها بنتها وهي عندها ٢٠ يوم ولما سالته ليه قالها براحتي اخدها عند أمي، ولما بنتي رفضت ضربها وخد منها بنتها وهي لسه والده، وبعد ما سابته رفع قضية طاعة وبعد كدة نشوز عشان متعرفش تاخد منه أي حاجة، مبيسألش على بنته ولا بيصرف عليها لا هو ولا أهله من سنتين ونص، ودلوقتي رافعة قضية نفقة ومخدتش غير نفقة بنتها بس، ولا تقدر ترجعله ولا تعيش معاه تاني بعد اللي عمله معاها.
تابع أحدث الأخبار عبر
