«كنت فاكرة الجواز دلع».. حنان في دعوى طلاق: بيتلكك عشان يضربني
«ضرب وإهانة» هذه هي الحياة التي عاشتها "حنان" في عش الزوجية الذي ظنت أنه يمتلأ بالحب والتفاهم، ولكن الواقع صدمها بحياة بعيدة عن التي رسمتها في خيالها، حاولت التأقلم ولكنها وجدت ان الطلاق في هذه الحالة أكرم لها من العيش مع زوج الهمجي، وتوجهت لـ محكمة الأسرة من أجل إقامة دعوى طلاق.
من ساعة ما اتجوزنا وحياتنا باظت
تستهل الزوجة الحديث لـ “الحادثة” وأول ما قالته هو: "مش عارفة أعيش معاه بالطريقة دي، مبيتعاملش غير بالضرب وقلة الأدب بس غير كدا مبيتعاملش زي الناس الطبيعية"، مؤكدة أنها متزوجة عن قصة حب كبيرة عاشتها مع ابن الجيران من صغارها ما جعلها تظن أن حياتها بعد الزواج تكون مثل السعادة التي عاشت فيها معه قبل الزواج.
كانت المفاجأة الكبرى لها من الشهر الأول في الزواج عندما اكتشفت الوجه الأخر لحب حياتها، تابعت الزوجة: “كنت فاكرة إن الحياة بعد الجواز هتبقى أحلى وأحلى بس كنت غلطانة للأسف، ولقيت حياة تانية خالص غير اللي كنت رسماها في خيالي، واكتشفت واحد تاني خالص غير اللي أنا عارفاه”.
أضافت: "قبل الجواز لما كنا بنتخانق كان بيعرف ازاي يتعامل مع الموضوع، دلوقتي لا بقا همجي أوي وكل تعاملاته بالشتيمة والضرب، والخناقات بقت تزيد بسبب ضربه وهمجيته دي".
بيتلكك عشان يضربني
تصاعدت المشكلات بين الزوجين بسبب أسلوبه الهمجي التي لم تتحمله الزوجة كثيرًا، وطلبت منه الطلاق عدة مرات ولكنه في كل مرة كان يعطيها وعد بأنه سيتغير، فلم تجد أي تغير منه مثل ما وعدها وقررت أن تستغيث بمحكمة الأسرة بعدما تمادى الزوج في ضربه لها حتى على أتفه الأسباب.
تستكمل حنان الحديث: "كل ما تحصل مشكلة بينا بيكبرها بسبب أسلوبه الهمجي، وكل مرة لما بيلاقيني بطلب الطلاق بيسكتني بكلمتين ويقول لي أخر مرة وإنه هيتغير بس مفيش حاجة بتتغير"، اختتمت رواياتها: "دا بيتلكك عشان يضربني على أي حاجة حتى لو مش مستاهلة، مبقتش عيشة ومبقتش قادرة استحمله خلاص، طلبت الطلاق كتير بس هو مبيرضاش عشان كدا رفعت عليه قضية طلاق بقالي شهرين ولسة الإجراءات شغالة".
تابع أحدث الأخبار عبر
