سهيلة في دعوى خلع: كل شوية يطفش بالتلات شهور معرفش عنه حاجة
معاناة تعيشها "سهيلة" من بداية الزواج مع زوجها الذي يقرر أن يختفي كل فترة بدون سبب واضح، ظلت على هذا الحال لمدة 8 سنوات، ولم يراعي الزوج بيته وأولاده، لذلك قررت الزوجة بعد تفكير طويل، أن تستغيث بمحكمة الأسرة.
كل شوية يطفش وأنا معرفش عنه حاجة
دعوى خلع هي طوق النجاة التي تمسكت به سهيلة باعتباره الحل الوحيد الذي ينفقذها من حياتها التي تعتبر هي الأب والام فيها، تستهل رواياتها قائلة: "مش عارفة بيطفش بيروح فين كل شوية يطفش بالتلات شهور معرفش عنه حاجة ولا بعرف أوصله خالص، كل مرة كان بيغيب فيها كنت بروح عند أهلي انا والعيلين ولما كان بيرجع كنت ببقى مصممة على الطلاق، بس أهلي مكنوش بيرضوا أبدًا".
كان ملاك في الخطوبة
استرجعت الزوجة فترة الخطوبة التي كان يتظاهر فيها بمعاملته الجيدة لها ويحاول تحسين صورته أمامها ولكن كل شيء بان بعد الزواج في معاملته التي تحولت معها، واتجاه للمخدرات الذي كان سبب رئيسي في خراب عش الزوجية، وتابعت: "في الخطوبة كانت معاملته معايا كويسة جدًا ومفيش أي مشاكل خالص، بس أول لما لما اتجوزنا وكل دا اتغير خالص ومبقتش قادرة استحمل عيشتي معاه خالص".
من تالت شهر وأنا مشوفتش يوم عدل معاه
استكملت قصتها: "من تالت شهر في الجواز بالظبط ومعاملته اتغيرت معايا خالص، وبقا يتعصب عليا في أي حاجة بكلمه فيها، كنت فاكرة في الأول في مشاكل في الشغل عنده بس طلع مكمل معايا بنفس الأسلوب وبقينا طول الوقت مبنعملش حاجة غير إننا بنتخانق"، أضافت سهيلة: "حاولت أتكلم معا في موضوع المخدرات دا بس هو مصمم إنه ميبطلش وفضل مكمل فعلًا في القرف اللي بيشربه، وكل دا وأنا أقول بلاش اتطلق عشان خاطر العيال واستحمل يمكن يتعدل بس مفيش حاجة بتتغير".
تمادى الزوج في اختفاءه الذي يكرره كل فترة، ما جعلها تفكر جديًا في الانفصال ولجأت على الفور لمحكمة الأسرة ورفع دعوى خلع منذ 5 شهور، ولا تزال الدعوى منظورة في المحكمة حتى الآن.
تابع أحدث الأخبار عبر
