«تعلب مكار».. سيدة مغربية: جوزي عامل منع سفر لابننا عشان معرفش اخده معايا
جلست سيدة مغربية على أعتاب محكمة الأسرة، ولا يوجد معها غير صغيرها على يديها وهي تنتظر حكم المحكمة، ولا يوجد معها ضهر أو سند تعتمد عليه فهي في بلد غريب وحدها ليست وسط أهلها أو معارفها، و كانت عينيها تحمل الألم والحسرة عما حدث معها في حياتها وفي زواجها.
تعرفت «سارة» المغربية على زوجها المصري عن طريق النت وكانت تظن إنه فارس أحلامها الذي ستعيش معه حياتها في سعادة لكن بعد تركها أهلها وحياتها في المغرب، دمر زوجها حياتها وتركها في النهاية تلجأ لمحكمة الأسرة لتحصل على حقوقها التي سلبها منها عندما خدعها وتركها وحدها.
اقرأ أيضا
اتعرفت على جوزي من على النت
قالت سارة: اتجوزت من ٢٠١٨ واتعرفت على جوزي عن طريق النت، أنا مغربية وهو مصري لما اتعرفت عليه اقنعني اني اجي مصر ونتجوز وحبينا وبعض وجيت فعلًا مصر وخلفت منه ولد بس، أول سنة كانت كويسة وهو كان كويس معايا ومفيش مشاكل لحد ما خلفنا وبدأ يتغير وبقى بني ادم تاني.
جوزي نزل مواقع جواز عشان يتجوز من عليا
تابعت سارة: المشاكل بينا مع الوقت كانت بتزيد ومبتقلش على اي حاجة وكل حاجة، كان بيهدد أهلي إني لوفضلت معاه هيموتني، واكتشفت أنه بقى بيكلم بنات ونزل مواقع جواز عشان عايز يتجوز عليا، ولما واجهته مانكرش، كنت عايشة معاه ومستحملاه عشان مليش حد في مصر غيره وعشان ابني ميتبهدلش.
اقرأ أيضا
سفرني وقال ميعرفش إني سافرت
أضافت الزوجة: لحد ما في مرة قالي هنسافر أنا وهو المغرب، جاب تأشيرة ليا أنا وهو والولد عشان نسافر احنا التلاتة جه قبل السفر بيوم، قالي عندي شغل ومش هسافر أنا والولد، سفرني وبعدين قالي إنه زهق مني ومش عايزني ولا عايز يكمل معايا، عملي انذار طاعة وأنا كنت مسافرة وهو اللي مسفرني وقال إنه ميعرفش إني مسافرة في الوقت ده طلقني غيابي، في الوقت اللي قدم انذار الطاعة أنا كنت في المغرب ومعرفش حاجة دلوقتي مليش نفقة عدة أو متعة لأني مستلمتش إنذار الطاعة وبقيت ناشز.
مش عارفة أخد ابني واروح عند أهلي في المغرب
تابعت سلمى: بقالي سنة بلف وراه عشان تاخد الولد ورفعت دعوى تمكين عشان أخد الشقة، ودلوقتي رافعة دعوى نفقة عشان الولد لأني من ساعة ما خدت الولد وجوزي وأهله بطلوا يسألوا على الولد، ومقدرش اخد ابني واسافر عند أهلي، لأنه عامل منع سفر للولد عشان معرفش اخد الولد واسافر.
تابع أحدث الأخبار عبر
