«مش راجل».. «ابتسام» بمحكمة الأسرة: «بيحكي لأصحابه أسرار أوضة نومنا»
عندما تقدم عريس «ابتسام» لخطبتها كان يبدوا عليه أنه شخص محترم وسيتقي الله فيها، ولم يبدوا عليه أبدًا أن شخصيته ضعيفة، ولن يقدرها ويحميها هي وابنائهم، وستعيش معه سنوات من الألم والحزن.
تزوجت «ابتسام» بعد قصة حب طويلة بينها وبين زوجها، وكانت تريد أن تدخل القفص الذهبي مع من اختاره قلبها، وفي أول سنوات كانت الحياة طبيعية وكانت تظن أن حلمها تحقق ولم تعلم أن حياتها ستتحول لكابوس، بسبب تدخل أهل زوجها في حياتها وعدم احترام زوجها لها ولخصوصيتهم، وبعد ما رأت من زوجها الإهانة والألم والحسرة طوال هذه السنين لجأت في النهاية لمحكمة الأسرة لتتخلص من حياتها معه.
أهل جوزي كانوا بيتدخلوا في كل تفاصيل حياتنا
قالت «ابتسام»: «الحياة بينا في الأول كانت عادية ومفيش مشاكل، بعد الخلفة المشاكل بدأت وكانت بتزيد مع الوقت، أهله متدخلين وكانوا بيتحكموا في كل حاجة عشان اهله اللي كانوا بيصرفوا عليه، مكنوش عايزينه يشيل مسئولية بيت أو عيال عشان كدة مكنوش عايزيني اكمل معاه».
بيحكي لأصحابه اسرار اوضة نومنا
تابعت «ابتسام»: «استحملت كتير قبل ما اسيب جوزي عشان كدة مقدرش ارجعله تاني، غلط فيا كتير، وضربني وبهدلني كتير، استحملت أن كان سرنا كله في الشارع لما تحصل مشكلة بينا أنزل الاقي أصحاب المحلات صحابه يعرفوا أن في بينا مشاكل، كان بيحكي لأصحابه الرجالة أسرار أوضة نومنا، وطبعا كان بيحكي لأهله كل حاجة اخته كانت تعرف كل حاجة عن حياتنا لحد السرير».
اقرأ أيضا
كان مش راجل ومش مسؤول
أكملت الزوجة: «الضرب كان بسبب العصبية، بطلب فلوس ومفيش، أو حد من أهله قايله يعمل معايا مشكلة، كان بيشتغل بس مش شغل مستمر، كان كل شوية بشغلانة مختلفة، ومبيتثبتش في حاجة، لحد ما تعبت منه وطلبت الطلاق ورفض ورفعت دعوى خلع ونفقة.
العيال بتسقط بسبب اني معيش فلوس اديهم دروس
أنهت ابتسام حديثها عن معانتها قائلة: «حتى معاملته مع ولاده وحشة جدًا، بقوله يجي يشوف العيال عشان نفسيتهم وميتعقدوش أن ابوهم مبيسألش عليهم بيكلمهم في التليفون ويزعقلهم، من ساعة ما سيبته وهو مبيسألش على العيال ولا بيصرف عليهم، بنته بتتحايل عليه عشان يزود في الفلوس اللي بيدفعها تبع النفقة ومبتكفيش، العيال بيسقطوا لأن مفيش فلوس اديهم دروس، هو عارف أن نفسية العيال بتفرق معايا، فبيغلط في العيال، ويبهدلهم وهما ملهمش ذنب».
تابع أحدث الأخبار عبر
