زينة في دعوي نفقة: أنا الراجل والست بالبيت وأجهضت مرتين بسبب المخدرات اللي بيشربها
٥ أعوام من اللامبالاة عاشتها «زينة» مع زوجها، فكان الزوج غير متحمل للمسئولية فأصبحت الزوجة هي المسئولة عن عش الزوجية الذي كان يملئه المشكلات من بداية الزواج حتى فاض بها الكيل وقررت ان تنهي هذا الزواج.
تحملت «زينة» كل المشاكل مع زوجها الذي بدأت منذ بداية زواجهم، على أمل أن ينصلح حاله في يوم من الأيام، تحملت ظروف زوجها الصعبة ومعاملته الجافة معها وعدم اهتمامه بصغيرهم، ولكن عندما اكتشفت زوجه لديه المال وقادر على أن يعطيهم حياة أفضل ، ولكنه اختار البخل عليها وعلى ابنهم قررت أن تنهي حياتها معه.
«زينة»: بينزل يشتغل ويرجع يقولي مفيش فلوس
قالت «زينة»: “أنا اتجوزت من ٥ سنين واتطلقت ودي عند المأذون، المشاكل بينا كانت عادية وتتحل لكن هو كان بيحكي لاهله كل حاجة ويدخلهم في حياتنا ويكبر المشاكل، أكبر مشاكلي معاه طول الخمس سنين هي نفس المشكلة كانت انه مبيصرفش ينزل الشغل يرجع ويقول مفيش فلوس، بس كنت بتحمل واقول ظروفه”.
«زينة»: كان بيعرف عليا ستات كتير وكنت بعديله عشان مخربش البيت
تابعت الزوجة: "حجات كتير كانت سبب الانفصال المصاريف القليلة وأسلوب التعامل الوحش وعدم الاهتمام، وكمان كنت بعرف من تليفونه أنه يعرف عليا ستات، وكل ده كنت بعدي برضو وأقول أمشي الدنيا، لحد ما كنت حامل والحمل مكملش، لما الموضوع اتكرر مرتين رحت عشان أكشف أكتشفت أن المخدرات اللي بيشربها هي السبب، ولما قلتله مقتنعش بالكلام ده.
«زينة»: كان معاه فلوس وبيصرفها على نفسه بدل بيته
أضافت «زينة»: " اللي خلاني أسيبه اني لما رجعت من عند أهلي بعد تاني مرة حصل أجهاض وكان سايبني فترة طويلة مسألش فيا، ملقتش في فلوس في البيت خالص، لما سألته قالي سيبت الشغل وبدور على حاجة تانية، واكشتفت في الأخر أن معاه فلوس وبيصرف على نفسه وميصرفش على بيته، لقيت أني خلاص تعبت ومش قادرة اتحمل الحياة وطلبت الطلاق.
«زينة»: طليقي محاولش ولا مرة يصالحني ونرجع لبعض
أنهت «زينة» كلامها وقالت: جيت محكمة الأسرة عشان ارفع قصية نفقة نفقة ليا ونفقة صغيري. تاني.
