"المخدرات خليته مجنون".. أميرة في دعوى خلع: عقله طار وبيكلم نفسه
تعتبر دعوى الخلع هى الحل الأخير التي لجأت له "أميرة" لتتخلص من زوجها المجنون، الذي وجدته يتحدث مع نفسه بعدما أصبح مدمنًا للمخدرات، مع العلم أن حياتهما كانت تغمرها السعاة قبل أن يعرف الزوج طريق الإدمان.
10 سنوات بالتمام والكمال عاشتهم الزوجة في قلق وتوتر، بسبب تصرفات الزوج الغريبة، التي كانت لا تجد لها مبررًا في البداية، بعد ذلك وجدت المبرر الذي حوله لشخص آخر وهو "المخدرات"، بدأت أميرة تروي قصتها قائلة: "كنا عايشين زي الفل ومفيش حاجة، فجأة لقيته بيعمل حاجات غريبة وأنا مش فاهمة إيه اللي بيعمله دا، وبقى يحب السهر برا ومبيحبش قعدة البيت، بعد ما كان بيستنى يرجع من الشغل عشان يقعد معايا".
الناس كانت بتحسدنا على حياتنا
استرجعت أميرة فترة خطوبتها السعيدة وقالت: "كنا بنحب بعض في الجامعة ومصدقنا اتخرجنا وجه أتقدم لي واتخطبنا وعشت أحلى فترة خطوبة معاه، كان بيعاملني أحسن معاملة، وكل حاجة عايزاها بيجيبهالي على طول"، تابعت: "في أول الجواز برضو كنا تمام عادي وكل الناس كانت بتحسدنا على حياتنا، من كتر ما بنحب بعض ومفيش أي مشاكل خالص".
عقله طار وبيكلم نفسه
لاحظت الزوجة تغيرات في تصرفات الزوج معها، وهى لا تعلم م السبب وراء كل هذا، وبدأت المشكلات تسكن عش الزوجية، بعدما كانت السعادة هي التي تسكن المنزل، عصبية شديدة اعتمدها الزوج في تعامله معها مرة واحدة.
أضافت أميرة: "مش عايز يقعد في البيت، على طول برا، وكل ما أكلمه يقول لي أنا حر أعمل اللي أنا عايزه، وبقينا نتخانق كتير بعد ما كان مفيش بينا أي مشاكل خالص، كل مرة كنت بعدي الموضوع وأقول دا وقت عصبية عادي"
استكملت: "الموضوع كبر وبقى كل شوية خناقات بسبب القرف اللي اكتشفت انه بيشربه ده، وكمان يبقى قاعد بيكلم نفسه، وقرر الموضوع كتير، خفت على نفسي والعيال من تصرفاته الغريبة دي، دا غير ضربه ليا أنا والعيال".
لجأت أميرة لمحكمة الأسرة، ورفعت دعوى خلع، بعد ما وجدت نفسها تعيش مع زوج على حافة الجنون، ولا تزال الدعوى منظورة في محكمة الزنانيري حتى الآن.
تابع أحدث الأخبار عبر
