«كل يوم بيخوني مع واحدة».. أحلام: جبت أخري بعد 25 سنة واديته علقة موت
نزوات لا نهائية من قبل زوج خائن لا يلتفت لشيء سوى خياناته المتكررة التي تغاضت عنها الزوجة لمدة 25 عام بالكامل حتى لا تخرب حياتها من أجل أولادها الأربعة، فالزوج لم يراعى عش الزوجية الذي خربه سنة بعد سنة بأفعاله، ومع ذلك كان مكافأتها طردها هي والأولاد من المنزل.
تفاقمت الأمور رويدًا رويدًا حتى وصل الحال بالزوجة بأنها فاض بها الكيل وانتهى الحال في محكمة الأسرة ورفع دعوى خلع بعد ما ضربت زوجها ضرب تحمل معه كل معاناة الـ 25 عام التي عاشتها معه بسبب خيانات التي لا تعد ولا تحصى.
أهلي وافقوا عليه على طول عشان كان كامل من مجاميعه
استهلت الزوجة رواياتها: "كنت شغالة في محل وهو شافني وعجبته وجه اتقدملي واهلي وافقوا على طول عشان كان جاهز من مجاميعه وعنده الشقة ومستواه المادي كويس جدًا".
تابعت: "ملحقتش أعرفه كويس في الخطوبة عشان كانت فترة الخطوبة قصيرة، ويدوب بعد ما خلفت ابني الأول عرفت إنه بيخوني وكان عايز يطلقني عشانها بس الأهل تدخلوا وحلوا الموضوع وخلاص سابها ورجعنا وكنت فاكره إنها نزوة مرة واحدة وخلاص".
كل يوم بيخوني مع واحدة
زادت المشكلات بسبب زيادة خياناته التي سئمت الزوجة منها ومع ذلك لم يتعظ ويتمادى في خياناته، تابعت: "كل شوية خناقة جديدة بسبب الستات اللي أنا بقفشه كل شوية بيكلمهم، وهو ولا فارق معاه أي حاجة، عدت سنة واتنين وتلاتة وقلت هيتغير ويكبر ويعقل بس برضوا مفيش فايدة وكل ما يكبر بيخيب أكتر من الأول".
استكملت هبه: "تعبت معاه وقلت خلاص مش هركز معاه ويعمل اللي هو عايزه المهم ابقى منع عيالي وخلاص بقى يغيب بالأيام عن البيت و يرجع وأنا ولا سألته بيروح فين ولا بيجي منين".
طلعت عليه اللي عمله فيا طول الـ 25 سنة
تحملت أحلام زوجها الخائن لمدة 25 عام لا تلتفت لشيء سوى أولادها وكان رد فعله في النهاية أنه يريد طردها هي والأولاد، أضافت: "فضلنا على الحال دا كتير سيباه براحته وأخر مرة بعد ما اختفى شهرين معرفش عنه أي حاجة راجع يقول لي لمي هدومك انتي والعيال وامشي من هنا، عيالي الكبار اتخنقوا معاه وهو مسك واحد فيهم خنقه وكان هيموت في إيده".
اختتمت حديثها قائلة: "مش راضي يسيب الولد من إيده لحد ما كان هيموت محستش بنفسي غير لما مسكت كوباية الشاي اللي كان لسة شاربها وضربته بيها في راسه، ساح في دمه وكان جاي عشان يضربني وقعته وكملت ضرب فيه"، كانت هذه الكلمات الأخيرة في رواية أحلام التي انتهى بها المطاف في محكمة الأسرة وهي ترفع دعوى خلع لتتختلص من خيانات زوجها التي دامت لـ 25 عام.
تابع أحدث الأخبار عبر
