فايزة لقاضي الأسرة: حمايا كل ورثي من جوزي ونفسي أربي ولادي بالحلال
بعد 10 سنوات، رحل الزوج وترك خلفه زوجة مكلومة و 3 أطفال في عمر الزهور، وقفت «فايزة» وحدها تواجه الظروف الصعبة، ولجأت إلى أهل زوجها لمساندتها ومساعدتها في تربية أبنائها، ولكن تأتي الرياح بما لا تشتهي السفن، تخلى عنها الجميع، وتركوها في مهب الريح ومنع الجد أحفاده من العيش في كنفه والتمتع بخيره، ما دفعها إلى اللجوء لمحكمة الأسرة عسى أن تحصل على حق أبنائها الضائع.
بعد رحلة زواج استمرت 10 سنوات، وأثمرت عن 3 أطفال، فارق الزوج الحياة، وباتت «فايزة» الأم والأب، حاولت بكل الطرق تعويض أبنائها عن فراق الأب في هذا السن الصغير، لكنها عجزت عن تلبية احتياجاتهم، في ظل ظروف قاسية، وصعوبة الحصول على فرصة عمل، ولم تجد أمامها إلا المطالبة بورثها وأبنائها من زوجها.
اقرأ أيضا
«فايزة»: لحد دلوقتي لسه معرفش جوزي مات ازاي
تابعت «فايزة»: مات من سنتين، حسيت صدمة كبيرة، لحد دلوقتي لسه معرفش مات ازاي، اللي اعرفه إنه مات بسبب خناقة مع ناس بيشتغل معاهم، ضربوه على دماغه بشومه مات، فجأه بقيت لوحدي ومعايا 3 عيال مكنتش عارفة اعمل ايه، قلت الجأ لجد ولادي يساعد معايا لكن اتضح اني كنت غلطانة.
«فايزة»: حمايا قالي مش هنصرف على عيالك وعندك المحاكم
أضافت «فايزة»: جوزي كان أب كويس عشان كدة كنت بستحمل غضبه وعصبته، مكانش حارمني من حاجة ولا بيخلي عياله نفسهم في حاجة، وعشان مقدرتش أعمل اللي كان بيعمله، روحت لجد ولادي بعد أبوهم ما مات عشان يساعدني، ولما طلبت منه التكفل بأحفاده، قالي مش هندفع ولاهنصرف عليهم وحتى ميراثك منه مش هنديهولك، وخدوا شقتي عشان كنت سايباها من قبل ما جوزي يموت وغضانة عند أهلي، ودا اللي خلاني أرفع دعوى نفقة على جد ولادي، وقضية ولاية تعليمية ووصاية.
تابع أحدث الأخبار عبر
