دنيا بدعوى خلع: «مستخبى عند أمه بعد ما سرق حلق بنته عشان الكيف»
كانت المخدرات السبب في وصول «دنيا» لمحكمة الأسرة بسبب سيطرتها على حياة زوجها واتجاهه لإدمان المخدرات، وهي السبب أيضا الذي جعل زوجها يتركها هي وابنائهم دون سؤال.
كانت «دنيا» على أبواب محكمة الأسرة مع أبنائها تحمل ألم وحسرة بسبب ما شهدته من قسوة وعنف من زوجها مدمن المخدرات الذي لم يقدرها او يرعاها او يتقي الله فيها أو في أولاده، ووصل به ادمانه وعدم تحمله للمسؤولية لترك زوجته وذهب للعيش عند والدته بعد ما سرق حلق ابنته الرضيعة من أجل المخدرات، وحاولت الزوجة بكل الطرق ان تحافظ على بيتها وتعالج زوجها لكن عندما فشلت محاولتها توجهت لمحكمة الأسرة لتنقذ نفسها وأولادها من مستقبل غير معلوم مع زوج مثل زوجها.
زوج واب مثالي
قالت : “أنا اتجوزت من ٢٠١١ وخلفت من جوزي ولدين وبنت، جوزي في الأول كان كويس ومفيش مشاكل بيني وبينه، كان بيشتغل وبيصرف علينا ومش مخلي بيته محتاج حاجة، وكان أب كويس جدا مع ولاده، لحد من قريب اتلم على شله صحاب جديدة من ساعتها وهو متغير وبقى واحد تاني”.
صحاب السوء علموه المخدرات
تابعت «دنيا»: "من ساعة ما عرفهم بقى بيشرب مخدرات، وبعد ما كانت فلوسه لبيته وعياله بقت كلها للمخدرات، بقى مش عايز يشيل مسؤولية اي حاجة لا بيت ولا عيال، ولا يصرف جنية اتبدل وبقى واحد تاني، واضطريت ساعتها أني انزل واشتغل عشان خاطر عيالي".
مكنتش اعرف انه مدمن
أكملت «دنيا»: “حاولت اعالجه بس معرفتش، فضل ٦ سنين بيشرب مخدرات ومش عايز يصرف علينا، في مرة لقيت حلق بنتي اللي عندها شهور مش في ودنها واكتشفت ان جوزي سرقه عشان يجيب بيها مخدرات ولقيته بيشربها قدام العيال، حصلت بينا مشكلة كبيرة شتمني وضربني وقررت ساعتها اني مبقاش ينفع أكمل معاه”.
دعوى خلع
أنهت «دنيا» كلامها: دلوقتي بقاله ٧ شهور سايبنا ومشي راح عند أمه محدش هيطلب منه مصاريف عند أمه ومبيسألش فينا من ساعتها وجيت المحكمة ارفع قضية خلع عشان أخلص من الحياة معاه والحق عيالي منه.