«بيكفر عن ذنوبه».. إسراء في دعوى نفقة: طلقني قبل ما يسافر للعمرة
طلاق غيابي فوجئت به "إسراء" بعد 9 سنوات في عش زوجية سعيد فلم تجد سبب واضح لما حدث من قبل زوجها الذي قرر هدم حياتهما الزوجية غمضة عين وتطليق زوجته الصبورة معه على المرة قبل الحلوة، ولكنه نسى كل ذلك وكان أخر شيء أقدم على فعله قبل سفره بيومين هو طلاق زوجته غيابيًا دون أسباب واضحة.
إسراء في دعوى نفقة: طلقني قبل ما يسافر للعمرة
"حياتنا كانت ماشية زي الفل طول عشر سنين الجواز بس معرفش إيه اللي حصل مرة واحدة، كان بقالنا كام يوم بنجهز شنطة السفر والحاجات اللي عايزها عشان مسافر يعمل عمرة، ولقيت مرة واحدة وأنا عند أهلي ورقة طلاقي جاتلي"، هكذا استهلت إسراء حديثها للقاضي وهي تروي قصتها الحزينة.
استرجعت بداية تعارفهما وقالت: "نعرف بعض من الشغل، كنا زملا في الشغل وكلامنا قليل أوي بس شوية شوية بدأ يتكلم كتير معايا ويفتح مواضيع عشان يتكلم خلاص، لما اتعرفنا أكتر على بعض أنا حبيته بصراحة وحبيت معاملته وأسلوبه معايا أوي".
من أول الجواز واحنا متفاهمين
بعد فترة كبيرة من التعارف بينهما جاء زميلها ليتقدم لها، وتمت الخطبة في سنة ونصف وبعدها تزوجوا فكانت حياتهما يملأها السعادة والتفاهم منذ دخولهما عش الزوجية، ظلت الحياة على هذا الحال لمدة 9 سنوات بالتمام والكمال، ولم تدري الزوجة ما الذي حدث للزوج في السنة العاشرة حتى يطلقها بدون سبب.
تستكمل رواياتها وتقول: "عشت معاه أحلى 9 سنين والدنيا ماشية بينا زي الفل ومفيش مشاكل حتى لو في كنا بنعديها على طول عشان بنحب بعض ومكنتش بدخل أي حد بينا عشان المشاكل متكبرش".
طلقني قبل ما يسافر يعمل عمرة
أضافت إسراء وعلامات الصدمة تعتري وجهها: "قالي إنه عايز يروح يعمل عمرة، وبدأنا فعلاً في التجهيزات بتاعة السفر ومكنش في أي حاجة ولا أي مشاكل وقبل السفر بيومين بالضبط كنت عند أهلي في البيت لقيت ورقة طلاق جاتلي، منه الصدمة مكنتش عارفة أعمل أي حاجة"، ما زالت تتابع حديثها قائلة: "فضلت عند أهلي في البيت ومعايا العيال وهو سافر ورجع، ولا فكر يسأل عنهم، ولما كلمته عشان يديني أي فلوس للعيال قالي مش معايا وخلصت كل فلوسي على السفر فجيت أرفع قضية نفقة"، لم تجد إسراء أمامها أي حلول سوى أنها تلجأ للقضاء لـ إقامة دعوى نفقة.