أخبار محكمة الأسرة اليوم
غريب في بيتي.. رضوى بمحكمة الأسرة: أهله مبيحبونيش عشان من بره البلد
توجهت «رضوى» لترفع دعوى نفقة على والد أطفالها حتى تحصل على حقوقها وحقوق أبنائها بعد أن تدمرت أسرتها بسبب أهل زوجها الذي لم تغلط في حقهم يوما، وكان كل خطأها أنها قبلت أن تتزوج من ابنهم.
قصص محكمة الأسرة.. 28 سنة جواز
بدأت «رضوى» حديثها وقالت: «أنا متجوزة من 28 سنة معايا من جوزي 3 ولاد كبار، مكنش جواز قرايب ولا معارف، أنا وجوزي كنا مش عايشين في نفس المنطقة ولا نفس المحافظة، اتقدملي واتجوزنا وكل حاجة كانت كويسة معاه».
دعاوي محكمة الأسرة.. مشاكل مع أهل جوزي
أكملت حديثها قائلة: «المشاكل كلها كانت مع أهل جوزي، الخلافات مع أهله كانت كتيرة من يوم ما خدته، كنت بكبر دماغي في الأول لكن بعد كدة كل مادى كانت بتزيد عن الأول ومفيش حل ليها بس كنت بتحمل عشان مخربش بيتي، لكن من ساعة ما خلفت واحنا في مشاكل كتيرة جدا».
حكايات محكمة الأسرة.. مبيحبونيش عشان من بره البلد
تابعت حديثها قائلة: «المشاكل مع أهله كانت بسبب إن كل عيلته وأخواته متجوزين قرايب هو الوحيد اللي اتجوز من بره العيله ومن برة البلد، كانوا مش بيحبوني عشان كده، وهو كان بيشتغل في محافظة تانية ومكنتش بحب أتعبه وأقوله المشاكل بتاعتهم بس هما اللي كانوا بيعرفوه وهو كان شوية بيقف معايا شوية ومعاهم شوية».
قضايا محكمة الأسرة.. دعوى نفقة
أنهت الزوجة حديثها قائلة: « معرفتش اسيبه لأنهم كانوا بيهددوني أنهم هياخدوا ابني مني، حاولت كتير معاهم لكن مفيش فايدة متعدلوش، بس زهقت منهم كنت كل يوم في مشاكل ومفيش حل ليها خلاص، سايباه من 10 سنين اطلقت منه بقضية خلع مبيصرفش من ساعة ما سيبته اتجوز وشاف حياته ومعاه ولد وبنت، ومبيصرفش من ساعة ما سيبته وجيت أرفع قضية نفقة عشان بنتي الصغيرة».
تابع أحدث الأخبار عبر
