أخبار محكمة الأسرة اليوم
محكمة الأسرة.. فاطمة: دماغه كلها للحشيش ورامي ولاده
توجهت «فاطمة» لمحكمة الأسرة بعد أن كان أملها أن تعيش حياة مستقرة مع زوجها والد أطفالها، لكنه لم يشاركها نفس الإحساس عندما تركها هي وأولاده دون سند في الدنيا، واختار كيفه ومزاجه بدلا من مصلحة أسرته، حتى اضطرت الزوجة أن ترفع عليه دعاوى في محاكم الأسرة لتحصل على حقوقها وحقوق أبنائها التي حرموا منها.
قصص محكمة الأسرة.. جواز قرايب
بدأت «فاطمة» حديثها وقالت: «أنا متجوزة من 11 سنة وسبت جوزي من سنة واحدة، خلفت منه بنتين، كنا متجوزين جواز قرايب، اتقدم لي واتجوزنا بعدها على طول؛ لأن أهلي كانوا واثقين فيه وفي أخلاقه ما يعرفوش انه هيبقى كده، كان كويس ومحترم معرفش إيه اللي حصل له واتبدل وبقى واحد تاني».
دعاوى محكمة الأسرة.. مش عايز يشتغل
أكملت حديثها قائلة: «من ساعة ما اتجوزته وهو بيشتغل يومين ويقعد الباقي في البيت، في الأول لما كنت باتكلم معاه كان بيقول لي غصب عني وهاتصرف، بعد كده بقى مش هامه، ولما أكلمه يقول لي ده اللي عندي إذا كان عاجبك، ما حدش وقف معايا، وكله كان بينصفه هو عليا حتى أهلي، كله كان بيقول لي اسمعي كلام جوزك».
حكايات محكمة الأسرة.. قضية خلع ونفقة
تابعت حديثها قائلة: «كان بيشرب حشيش، وطول الوقت عايز فلوس للحشيش، جسمه بيوجعه من الشرب بيخليني اقعد اخدمه طول الوقت، ومخدش بالي من العيال خالص، المهم عنده مزاجه مش مهم بيته ولا ولاده، كانت بتبقى آخر فلوس معاه يجيب بيها حشيش، سبته لما زهقت منه، وبقيت مش مآمنة إني أعيش معاه تاني، حاول يرحعني مرة واحدة، بس من ساعة ما سبته ومكنش جايلي مخصوص عشاني، كان جاي عشان فرح بنت عمه، واخواته هما اللي غصبوا عليه إنه ييجي يرجعني، ورجعت معاه، بس لما رجعت لقيت الوضع زي ما هو ما بيشتغلش وباشحت من الناس عشان أكمل أكلي وأكل ولادي، واللي جد عليه إنه كان من الشرب مش شايف قدامه، وبقى يضربني، وده اللي خلاني اسيبه واقرر أتطلق منه، وأرفع قضية خلع ونفقة».
تابع أحدث الأخبار عبر
