أخبار محكمة الأسرة
إيناس في دعوى خلع: بنضرب من وأنا في الكوشة
رفعت «إيناس» دعوى خلع على زوجها ولم تكن أكملت عامين زواج، وكان سبب اتخاذها هذا القرار هو طبع زوجها الصعب وعصبيه الزائدة وعدم احترامه لها منذ دخوله حياتها ومنذ يوم زواجهم، وكان قرار توجهها لمحكمة الأسرة حتى تهرب منه قبل أن تخسر حياتها.
قصص محكمة الأسرة.. أهلي رفضوا جوازي منه
بدأت «أمينة» حديثها وقالت: «أنا متجوزة من سنتين بس ومخلفتش منه، اتعرفت عليه واتجوزنا بعد قصة حب، ولما اتقدملي أهلي مكنوش موافقين عليه لأنه مش شبهنا، بس أنا صممت إني اتجوزه وده اللي خلاهم يوافقوا عليه، عمل مشاكل كتير في الخطوبة مع أهلي ومعايا بس أنا كنت معمية وبوافق على أي حاجة هو بيعملها».
دعاوي محكمة الأسرة.. بتضرب من وأنا في الكوشة
أكملت حديثها قائلة: «اتجوزنا ومن وأنا في الكوشة بتضرب منه، ضربني عشان حد من لما قرايبي حبوا يتصوروا معايا، وقتها متكلمتش عشان معملش مشكلة وعديتها، تاني يوم فرحنا عمل مشكلة معايا وضربني بسبب حاجات تافهة برضوا، عرفت وقتها إني غلط ومكنش ينفع اتجوزه بس مكنش ينفع أطلق منه واحنا لسه متجوزين ».
حكايات محكمة الأسرة.. قضية خلع
تابعت حديثها قائلة: «حاولت معاه كتير إنه يتعدل لأني بحبه ومش عايزة أطلق منه، لكن مفيش فايدة معاه كل حاجة مشكلة وكل خناقة ضرب وإهانة، لو قلت كلمة واحدة بس معجبتوش او طلبت منه اي حاجة اتضرب، لحد ما قررت أسيبه ومرجعلوش لأني خفت لو كملت معاه يموتني، سيبته ورحت بيت أهلي وساعتها قالولي احنا حذرناكي منه، بس جيت المحكمة عشان أرفع عليه قضية خلع عشان أخلص منه، لأنه رافض يطلق ودي».
تابع أحدث الأخبار عبر
