زوجة في دعوى خلع: محرم عليا نفسه من 6 سنين
كانت دعوى الخلع هي الوسيلة الوحيدة التي رأت "هدى" أنها تنقذها من حياتها التي تبدلت في السنة التاسعة من الزواج، بسبب تغير الزوج معها، واستمر الوضع من سيء إلى أسوأ لمدة 6 سنوات متواصلة.
حكايات محكمة الأسرة.. قعدنا 9 سنين كويسين
استهلت "هدى" رواياتها لـ "الحاثة" مؤكدة أنها عاشت أجمل 9 سنوات في حياة بمنزل مستقر سعيد، ولكن تبدلت حياتهما بعد ذلك: "متجوزة بقالي 15 سنة والدنيا كانت كويسة لمدة 9 سنين وخلفت منه 3 عيال، بس معرفش إيه اللي حصل بعد كدا والمشاكل بدأت تكبر بينا وهو بقى يتلككلي على الواحدة والمشاكل بينا بدأت تكتر والأهل بقوا يتدخلوا بينا كتير بسبب الموضوع دا".
محرم نفسه عليا بقاله 6 سنين
تفاقمت المشكلات والخلافات بينهما افتعال الزوج للمشاجرات الذي جعلته يخبرها بأنه محرمة عليه واستمر الحال لست سنوات، وفشلت الزوجة في عودة حياتهما على الحال الذي استمرت عليه لمدة 9 سنوات، استكملت قصتها بقولها: "بقاله 6 سنين محرم نفسه عليا وكل اللي يجي يكلمه يقولهم بقت محرمة عليا ومش هلمسها تاني، ولحد دلوقتي معرفش السبب اللي مخليه يعمل كدا وإيه اللي مغيره معايا".
قصص محكمة الأسرة
بعدما استمر الحال لسنوات قررت اللجوء إلى محكمة الأسرة، واختتمت بقولها: "أهلي اتدخلوا كتير عشان يفهموا إيه اللي مغيره بس لسه زي ما هو مش راضي يتغير ومحدش فاهم إيه اللي مغيره معايا بعد ما كانت حياتنا زي الفل، مقدرتش اتحمل أكتر من كدا معاه ورفعت خلع بقالي 4 شهور".
تابع أحدث الأخبار عبر
