أخبار محكمة الأسرة
«مفكر نفسه الحاج متولي».. هالة بمحكمة الأسرة: اكتشفت إن لي 3 ضراير
رفعت «هالة» دعوى خلع بعد اكتشافها أن زوجها متزوج من 3 سيدات أخرى دون علمها، وعند مواجهتها له لم ينكر ولم يريد أن يحترم رغبتها ويطلقها بشكل ودي، من وقتها انهالت المشاكل على بيتهم حتى اضطرت الزوجة أن تتوجه لمحكمة الأسرة لتنهي حياتها مع زوجها.
قصص محكمة الأسرة.. جواز قرايب
قالت «هالة» في بداية حديثها: «أنا متجوزة من 14 سنة، خلفت من جوزي ولدين، أنا وهو كنا قرايب من بعيد، بس كنت عارفاه أنا وأهلي من زمان، لما خلصت جامعة اتقدملي واتجوزنا على طول ».
دعاوى محكمة الأسرة
أكملت كلامها قائلة: «طول فترة جوازي الدنيا كانت تمام ومكنش فيه بيني وبين جوزي مشاكل كتير خالص ، كنا زي أي بيت وزي اي اتنين عادي جدا، هو اللي كان بيشتغل وبيصرف علينا وأنا كنت قاعدة في البيت بربي الولاد ومكنش بخيل وبيجيب كل اللي البيت محتاجه».
حكايات محكمة الأسرة.. عرفت من تليفونه إنه متجوز
تابعت حديثها قائلة: «لحد ما عرفت من سنة تقريبا أن حوزي متجوز عليا 3 ستات غيري، عرفت من تليفونه سابه في مرة مفتوح وعرفت لما لقيت عقود الجواز،. لو مكنتش شفتهم مكنتش شكيت فيه او صدقت إنه متحوز عليا، معملش اي حاجة تخليني اشك فيه، كان بيغيب برة البيت بس هو من زمان بيغيب بسبب الشغل».
قضايا محكمة الأسرة.. مبيصرفش عشان يعاقبني
أنهت حديثها قائلة: «لما عرفت واجهته وانكر في الأول وبعد كدة اعترف، سيبت البيت وطلبت منه الطلاق لكنه رفض مش عايز يطلق وقالي أنه عايز يرجعني عشان أنا أم ولاده، وأنا نقدرش اثق فيه وارجعله تاني، ولاده معايا ومبيصرفش علينا عشان يعاقبني لأني سيبته ومش عايزة ارجعله، رفعت عليه قضية خلع عشان أسيبه وهرفع عليه نفقة عشان خاطر الولاد».
تابع أحدث الأخبار عبر
