أخبار محكمة الأسرة
«باعني عشان نزوة».. مها في دعوى طلاق: حب 7 سنين اتمحى في شهور
قصة حب كبيرة بين مها وابن خالتها الذي استمرت لمدة 7 سنوات قبل الزواج، ليتحول كل هذا الحب لمشكلات ومشاجرات بعد أشهر قليلة من الزواج ما جعلها تريد الطلاق بعد سنة واحدة فقط من الزواج.
قصص محكمة الأسرة.. قصة حب 7 سنين
بدأت مها حكاياتها للقاضي بالحديث عن قصة حبها التي ظنت أنها تستمر لنهاية عمرها ولكن الواقع الذي عاشته جاء بعكس توقعاتها، قائلة: "عشنا أحلى قصة حب قبل الجواز وقعدنا 7 سنين بنحب بعض وأهلنا عارفين عشان هو ابن خالتي، وكنت فاكرة إن الجواز هيبقى كله حب سعادة والدنيا هتبقى جميلة بس طلعت غلطانة"
روايات محكمة الأسرة.. مكملناش كام شهر واتغير معايا
أشهر قليلة وتحول كل هذا الحب إلى مشاجرات يومية بسبب تحول الزوج دون مبرر وبعدما تفاقمت المشكلات بينهما قررت الانفصال، استكملت رواياتها لقاضي محكمة الأسرة قائلة: "يدوب كام شهر ولقيت متغير معايا وكل حاجة بعملها مش عاجباها وبقى يتخانق معايا كتير وأنا مكنتش فاهمة ليه بقى يعمل كدا واحنا متجوزين عن حب أصلًا، حاولت افهم في اية بس هو مكنش بيديني فرصة وعلطول يتخانق ويزعق وخلاص".
حكايات محكمة الأسرة.. باعني عشان نزوة
اكتشفت السبب الحقيقي وراء تحول الزوج بهذه السرعة، وضحت ذلك في قولها: "كنت متأكدة إن في حاجة غريبة خليته يتحول عليا بالطريقة دي، وطلعت صح وطلع عارف واحدة معرفش لحق يعرفها امتى، وباعني بسهولة ونسي كل الحب اللي بينا عشان نزوة، لما لقيت الحياة بيا مستحيلة وأنا مش هقدر أكمل معاه بالطريقة دي طلبت منه الطلاق، وسبت البيت وأنا لسة حامل بس هو مكنش موافق على الطلاق عشان كدا ورفعت قضية طلاق بقالي 5 شهور"، ولا تزال الدعوى منظورة حتى الآن.
تابع أحدث الأخبار عبر
