أخبار محكمة الأسرة اليوم
إلهام لـ محكمة الأسرة : شفت معاه أيام سودة وبنضرب من ساعة ما اتجوزته
حياة زوجية عاشتها «إلهام» مع زوجها كانت نهايتها الطبيعية في محكمة الأسرة، منذ زواج «إلهام» كانت طريقة زوجها في التعامل هي الضرب والإهانة وحاولت الزوجة أن تصبر نفسها على أفعال زوجها بأن هذا طبعه ولا يمكن تغيره، وفي كل مرة ضرب الزوج زوجته وأهانها وعاد نادما سامحته على أمل أن ينصلح حاله في يوم من الأيام ولكنه لم يتغير واستمر في إهانتها ولجأت الزوجة لمحكمة الأسرة أول مرة حتى تحصل على حقوقها منه ولكن خدعها الزوج واقنعها أنه تغير حتى تتنازل عن القضايا، لكنه كذب عليها مرة أخرى واضطرها أن تتوجه للمحكمة مرة أخرى.
إلهام لـ محكمة الأسرة : شفت معاه أيام سودة وبنضرب من ساعة ما اتجوزته
قضايا محكمة الأسرة..شفت معاه أيام سودة
بدأت «إلهام» حديثها وقالت: «انل متجوزة من 13 سنة معايا ولد وبنت، كان جواز عادي شافني واتقدملي وبعد كدة أنا حبيته بس طلعت مخدوعة فيه في الأخر، كل حاجة بانت بعد الجواز وشه الحقيقي بان وحقيقته ظهرت، كان بني أدم مش محترم ولا بيتقي ربنا في بيته ولا فيا بيهدلني معاه وشفت منه أيام سودة».
دعاوي محكمة الأسرة..بتضرب من ساعة ما اتجوزته
أكملت «إلهام» حديثها وقالت: « بيشتم ويمد ايده عليا من أول ما اتجوزته بسبب ومن غير سبب وفي الأغلب كانت بتبقى أسباب تافهة، وكل مرة بيضربني واسيب البيت كان بيحصل صلح ونرجع تاني كويس لفترى بس وبعد كدة يرجع تاني زي الأول وأوحش كمان، في المشاكل بقالي سنين ولما اشتكي لأهله محدش بيقف معايا ومش بيغلطوه، وكان بيصرف قليل جدا وأنا مبشتغلش ».
حكايات محكمة الأسرة..تاني مرة أرفع عليه قضية خلع
تابعت «إلهام» حديثها قائلة: «لسه رافعة عليه قضية الخلع دي تاني مرة، رفعته أول مرة ورجعنا لبعض ورجعت رفعته تاني، أول مرة سيبته كانت بسبب إنه بيمد إيده عليا كتير وساعتها الأهالي غصبوا عليا أننا نتصالح ونرجع لبعض، رفعت عليه وقتها قضية نفقة لأنه مكنش بيصرف خالص، رجعتله عشان خاطر ولادي واتنازلت عن القضايا على أساس إنه هيتعدل ويبقى كويس وميبقاش فيه ضرب تاني سيبته تاني مرة ورحت عند والدتي بقالي شهرين لأني زهقت منه بقى لأنه رجع يضربني تاني، على طول بيحاول يرجعني وعلى طول بيندم وأنا بديله فرصة على أساس إنه يتعدل أو يتغير لكن مفيش فايدة ».
تابع أحدث الأخبار عبر
