أخبار محكمة الأسرة اليوم
«حماتي عايشه دور الضرة».. إسراء لـ محكمة الأسرة: بتغير لو جوزي خرجني
قصدت «إسراء» محكمة الأسرة للمرة الثانية لتحاول أن تحصل على حقوقها المادية من زوجها الذي لم يعطيها لها طاعة لكلام والدته التي لم تتقي الله في زوجة ابنها، ودمرت بيتها ولم تقدر أنها كانت حامل في حفيدها عندما تسببت لها في مشكلة كانت سبب تواجدها في محكمة الأسرة.
قضايا محكمة الأسرة.. سنتين مشفتش منه يوم حلو
سنتين فقط كانت المدة التي عاشتها إسراء مع زوجها قبل أن تتوجه لمحكمة الأسرة ومعها ابنتها في يدها وابنتها الأخرى حامل بها وتجر معها أذيال الخيبة والألم، بدأت «إسراء» حديثها وقالت: «أنا متجوزة من سنتين، سايبه البيت لجوزي بقالي شهر، معايا منه بنت واحدة وحامل في التانية، مكنش جواز صالونات هو شافني وأعجب بيا واتقدملي واتجوزنا على طول، وفي السنتين مشفتش منه يوم حلو».
دعاوي محكمة الأسرة.. المشاكل بسبب بيت العيلة
أكملت «إسراء» حديثها وقالت: «من أول اسبوع جواز واحنا في خناقات بسبب أهله، كنت متجوزة في بيت عيلة وكان هو سبب المشاكل، بسبب أهله اللي كانوا بيقوموه عليا وبيكرهوني من زمان، على طول كانوا بيعملوا مشاكل معايا بسبب ومن غير سبب وكانوا بيقولوا إني قلت كلام كدب وكانوا سبب المشاكل بيني وبين جوزي».
حكايات محكمة الأسرة.. أمه بتغير عليه
تابعت «إسراء» حديثها قائلة: «مشاكلي مع أهله كانت كتير أمه كانت بتغير إنه بيخرجني ومش بيخرجها، ومكنتش بتخليه يصرف عليا أي حاجة وأخر ما زهقت من بخله رفعت عليه قضية نفقة اتصالحنا لما الأهالي اتدخلوا، مضى على ورق انه هيصرف بعد كدة لكن بعد فترة مبقاش يدفع حاجة».
قضايا محكمة الأسرة .. مسألش فيا من ساعة ما مشيت
أنهت «إسراء» حديثها قائلة: «لما رجعت المشاكل مع أهله فضلت مكملة وكل مادى كانت بتزيد، على طول في مشاكل كان بيطلع من عند أمه مكشر ومش طايقني ولما اكلمه وأقوله مالك وحالك مش عاجبني يقولي مش عاجبك روحي المحكمة واشتكيني، لحد أخر مشكلة كنت محتاجة فلوس عشان أروح أكشف عشان حامل وأمه رفضت إني أخد فلوس وهو وافقها كالعادة وقتها رحت عند أهلي بعدها ومسألش فيا من ساعتها، وجيت أرفع قضية نفقة تاني».
تابع أحدث الأخبار عبر
