محكمة الأسرة اليوم
محكمة الأسرة.. سهى: بيضربني عشان لبست بيجامة وعايزني أقعد في البيت بالإسدال
دعوى طلاق أقامتها سهى في محكمة الأسرة بعد مشاجرات وخلافات استمرت لسنوات طويلة تحملتها الزوجة على أمل تهدئة الأوضاع بينهما ولكن لم يحدث اي شئ جديد، ولكن عندما خرج الوضع عن السيطرة قررت اللجوء إلى محكمة الأسرة ورفع دعوى طلاق تنقذها.
حكايات محكمة الأسرة.. ليل ونهار خناق على اتفه الأسباب
تستهل سهى رواياتها لقاضي محكمة الأسرة وتقول: "ليل ونهار خناقات مبتخلصش على أي حاجة حتى لو تافهة، وأنا بعدي وبسكت عشان خاطر البيت والعيال بس خلاص جبت أخري منه ومبقتش قادرة استحمل"، أضافت: "خناق كتير بينا على أي حاجة وأهلي كمان اتدخلوا كتير قبل كدا عشان يحلوا المشاكل بس بالعكس كان بيزيد في خناقه معايا"
قصص محكمة الأسرة.. عايزني أقعد في البيت بالإسدال
مشاجرات يفتعلها الزوج ليلا ونهارا على أتفه الأسباب ما جعل الخلافات والمشكلات تتمادى بمرور الوقت، تابعت: "عديتله كتير عشان مكبرش الموضوع وأقول يمكن يتغير بس مفيش أي حاجة بتتغير، وأخر حاجة طالعالي فيها هي متقديش بالبيجامة والبسي الاسدال وانتي قاعدة في البيت"، تستكمل رواياتها: "بقا كل ما يشوفني قاعدة في البيت بالبيجامة يضربني، كررها مرة واتنين وتلاتة وبقا كل ما يشوفني يقولي متقعديش في البيت من غير الإسدال".
أخبار محكمة الأسرة.. مش هينفع معاه غير القواضي
لم تتحمل سهى هذا الأسلوب في المعاملة ما جعلها نتقصد محكمة الأسرة في النهاية بعدما تصاعدت المشكلات والخلافات بينهما، تتابع: "مش راضي يجيبها لبر والمشاكل بتزيد بينا وهو مش فارق معاه حاجة حتى لو أهلي اتدخلوا قبل كدا عشان يحلوا المشاكل، طلبت منه الطلاق بس مش راضي"، انهت رواياتها قائلة: "سبت البيت وخدت العيال ومشيت ورفعت عليه قضية طلاق بقالي شهرين"، ولا تزال الدعوى منظورة في المحكمة حتى الآن.
تابع أحدث الأخبار عبر
