أخبار محكمة الأسرة
محكمة الأسرة .. هوايدا: بيضربني وهو شارب لحد ما جابلي ارتجاج في المخ
كانت نهاية «هوايدا» على أبواب محكمة الأسرة بعد سنين من الألم والحسرة التي عاشتها مع زوجها الذي أهانها واستغلها وجعل إدمانه للكحوليات يسيطر على حياته ويدمر أسرته، حتى أوصل زوجته لمحكمة الأسرة حتى تحصل على حريتها من زوجها الذي كان يضربها لسنين عديدة حتى جعل الحياة معه مستحيلة وعندما وجدت أنها ممكن أن تموت بسبب حياتها معه قررت تركه فورا وحاولت بكل ما أوتيت من قوة أن تحصل على حريتها.
قصص محكمة الأسرة.. سافرت مع جوزي السعودية عشان ميبقاش لوحده
قالت «هوايدا» في بداية حديثها: «أنا اتجوزت من 11 سنة خلفت من جوزي ولد وبنت، كان جواز عن طريق المعارف عرفته من ناس قرايبي وكان عريس مناسب ومفيش منه مشاكل، وفي أول الجواز كان كويس ومفيش مشاكل، جتله فرصة شغل في السعودية وسافرت معاه عشان ميبقاش لوحده وابقى معاه أنا والعيال وكنت فاكة حياتنا مش هيبقى فيها مشاكل».
دعاوي محكمة الأسرة.. جوزي طلع بيشرب خمره
أكملت الزوجة حديثها: «قعدت معاه في السعودية 4 سنين، بعد سنتين تقريبا لاحظت عليه التغير وبقى على طول بيسهر بره، بعدها على طول عرفت انه بقى يشرب خمره من طريقته وتصرفاته، واجهته كتير ان اللي بيعمله ده غلط وحاولت معاه كتير انه يتعدل لكن مفيش فايدة معاه، كنت كل لما اكلمه يقولي هيتغير ويفضل زي ما هو وميتغيرش».
قضايا محكمة الأسرة.. لما بيشرب بيكسر عضمي
تابعت «هوايدا»: «لما كان بيسكر واحاول أتكلم معاه وافهمه أن مينفعش كدة، كان بيضربني ويكسر عضمي، كان بيبقى مش شايف قدامه وبيضربني ضرب يموت، حاولت كتير اني اخليه يبطل شرب لكن مفيش فايدة معاه، كل مادى كان بيزيد وبيضربني أكتر، لحد ما قررت اننا نرجع مصر وقلت يمكن لما نرجع ونبقى وسط أهلنا يتعدل لكن كنت غلطانة».
حكايات محكمة الأسرة.. خمورجي وعملي ارتجاج في المخ
أنهت «هوايدا» حديثها وقالت: «لما رجعنا مصر الشرب قل عن الأول لكن حصل حاجة تانية، جوزي اتجوز عليا ولما عرفت وواجهته قالي مش هيطلقها، حاولت اصبر عليه لكن رجع للشرب تاني واخر مرة ضربني عملي ارتجاج في المخ، المستشفى عملتلي تقرير انه يقول انه المفروض يتحبس، ورفعت قضية طلاق للضرر الجيران بيشهدوا معايا انه بيضربني».
تابع أحدث الأخبار عبر
