أخبار محكمة الأسرة اليوم
إيهاب لـ محكمة الأسرة : سابت البيت عشان مانع عنها الفيس
دعاوي تم رفعها على «إيهاب» من زوجته التي رفضت أن تكون له زوجة مطيعة وافتعلت المشاكل بسبب وبدون سبب، كان السبب الرئيسي في وجود الزوج في محكمة الأسرة هو ضعف شخصية الزوجة وترك أهلها يتحكموا في حياتها ويسيطروا عليها ويكونوا في النهاية سبب الخراب وسبب تواجد «إيهاب» حائر لا يعرف مصيره وهو على أبواب محكمة الأسرة.
قصص محكمة الأسرة..مكنش يبان على أهل مراي حاجة وحشة
قال «إيهاب» في بداية حديثه: «أنا متجوز بقالي 4 سنين ومخلف من مراتي ولد واحد بس، كان جواز صالونات سمعت عن أهلها إنهم ناس كويسة ومحترمين ومكنتش أعرف إنهم هيعملوا كل اللي عملوه معايا ده هما ومراتي، من ساعة ما قابلتها وأنا عارف إنه غلبانة ومش بتاعت مشاكل وحمدت ربنا لما اتجوزنا».
دعاوي محكمة الأسرة..المشاكل مع مراتي كتير
أكمل «إيهاب» حديثه وقال: «بعد الجواز اكشتفت أنها ضعيفة الشخصية جدا أمها وأختها اللي ممشين كلامهم عليها، من بعد الخلفة حياتنا كلها بقت مشاكل وضغوط طول الوقت، كنت بكبر دماغي عشان معملش مشاكل لكن كانت كل شوية الخلافات بتزيد ومبقتلش على أسباب تافهة جدا ومكنتش مرتاح معاها».
حكايات محكمة الأسرة..هي وأهلها بيهددوني بالمحاكم
تابع «إيهاب» حديثه قائلا: «لحد أخر مشكلة سابت البيت عشان أنا مانع عنها الفيس لأنها طول الوقت قاعدة على التليفون ومش بتهتم بالبيت أو الولد، ومكنتش أول مرة تسيب البيت دي كانت بتسيبه كتير وأنا كنت بصالحها عشان خاطر إبني، لحد ما أهلها طلبوا الطلاق وقالوا أنها مش قادرة تكمل معايا وهددوني بالمحاكم وأنا مكنتش عايز أخرب البيت».
قضايا محكمة الأسرة..حرماني من ابني
أنهى «إيهاب» حديثه: «وافقت على الطلاق الودي طلبوا مني طلبات كتير أوي وتعجيزيه، سيبتها من غير طلاق لأن مش معايا أديها الفلوس دي، ومن قريب أكتشفت إنها رافعة عليا قضية طلاق وقضية نفقة بالرغم إني ببعتلها المصاريف اللي تحتجها عشان خاطر ابني، لكن مش عاجبها وعايزة أكتر، ومش مخلياني حتى اشوفه وأنا كنت صابر عليها كل ده عشانه وعشان ميتبهدلش لكن هي مفيش فايدة معاها».
تابع أحدث الأخبار عبر
