أخبار محكمة الأسرة اليوم
محكمة الأسرة.. غالية: مستحملش يشيل المسؤولية أسبوع واحد وطردني من البيت
دفعت الضغوط «غالية» لرفع عدة دعاوى بمحكمة الأسرة ضد زوجها، طالبت فيها بالطلاق للضر، والنفقة لعدم تحمل شريك حياتها المسئولية، واعتماده عليها في الإنفاق على المنزل، حيث أجبرها على العمل وحملها مسئولية الإنفاق.
قضايا محكمة الأسرة..بقالي 9 شهور في المحاكم ومفيش فايدة
بدأت «غالية» حديثها وقالت: «أنا متجوزة من 2012 وعندي 3 أولاد، ومنفصلة بقالي 9 شهور وفي المحاكم من ساعة ما سيبته، رافعة عليه قضايا نفقة وقايمة وطلاق للضرر ومنفذتش منهم أي حاجة، معايا حكم بحبسه 6 شهور وغرامة 500 جنيه ومش عارفة أخد منه أي فلوس، حتى النفقة بالرغم أن معايا حكم لكن معرفتش أخد منه حقي لأنه كل شوية يستأنف ومستكتر فلوس النفقة على الولاد مع أنه اشتغل وبقى معاه فلوس».
أنا اللي بشتغل واصرف
أكملت «غالية» حديثها وقالت: «مشكلتي معاه إنه مش بتاع شغل ولا شيل مسؤلية من زمان وهو مكانش بيشتغل أنا اللي كنت بشتغل واصرف على البيت وعلى العيال، وحتى لو اشتغل مكنش بيصرف على البيت، وكنت راضية وساكتة وقلت أساعده واقف جنبه وأساعده عشان بيتنا وولادنا».
حكايات محكمة الأسرة..طردني من البيت لما مبقتش أصرف عليه
تابعت «غالية» حديثها قائلة: «لحد لما بطلت بسببه لما طلب مني أقعد من الشغل عشان الناس بتقول إني بشتغل وممشية البيت وبقى قدام الناس وحش وده اللي زعله، وافقت وقعدت في البيت وسيبت الشغل وولما مبقيتش أنا اللي بصرف الدنيا قامت مقعدتش وبقى مش طايقني، قعد أسبوع واحد بس ومستحملش فيه مصاريف البيت مع إني كنت بطلب منه طلبات عادية وأقل طلبات كمان، لكن هو مش متعود على إن حد يطلب منه ويقوله هات متعود إني بشتغل وبصرف من معايا وبدي العيال مصاريفهم كمان، عمل مشاكل كتير معايا و أخر مره اتخانقنا وشتمني بألفاظ مش كويسة وضربني وطردني من البيت».
تابع أحدث الأخبار عبر
