أخبار محكمة الأسرة اليوم
سميرة لـ محكمة الأسرة : عم بناتي طردنا عشان يخلص مني ويأكل حقي
دعوى إعلام وراثة توجهت بها «سميرة» لأبواب محكمة الأسرة، بعد وفاة زوجها من 20 عام، لم تتوقع «سميرة» عندما خسرت زوجها أنها ستضطر أن تواجه صعاب الحياة وحدها وستضطر أن تواجه جشع الأقارب قبل الأغراب ولسنين ظنت أن الحياة ستكون هادئة وطبيعية معها هي وأولادها لكن بعد سنين وجدت نفسها على أبواب محكمة الأسرة تبحث عن حقوقها.
قضايا محكمة الأسرة..جوزي مات فجأة ومكنش لينا حد غيره
بدأت «سميرة» حديثها وقالت: «أنا جوزي متوفي من 20 سنة ومعايا منه 3 بنات، ورافعة في المحكمة قضايا ورث عشان فيه مشاكل مع عم ولادي أخو جوزي.. تابعت حديثها عن وفاة زوجها وقالت: جوزي اتوفى من زمان كان سبب الوفاة سكتة قلبية مات فجأة وكانت صدمة عليا أنا وبناتي مكنش ليا غيره في الدنيا ومكناش عارفين نعمل ايه من بعده».
دعاوي محكمة الأسرة..أخو جوزي طردني انا وبناتي في الشارع
أكملت «سميرة» حديثها وقالت: «بعد وفاة جوزي كنت قاعدة في بيت العيلة وكنا عايشين والدنيا كويسة وأنا وبناتي عايشين من معاش أبوهم وملناش دعوة بحد، العلاقة بأهل جوزي كانت عادية، طول ما الدنيا كانت كويسة كنا كويسين سوا، وطول مانا في شقتي كانوا سايبني في حالي، لحد ما أخو جوزي كان عايز يشتري نصيب أخواته في البيت ونصيبي أنا وولادي رفضت في الأول عشان مليش مكان تاني أروحه بس بعد كدة ضغطوا عليا ووافقت وبعد ما وافقت مدانيش حقي بالكامل وطردني من البيت أنا وبناتي».
حكايات محكمة الأسرة..أخو جوزي اتحجج عشان يطردني من البيت
تابعت «سميرة» حديثها قائلة: «أخو جوزي مكنش عايزني في البيت من زمان لأن البنات كدة كدة هيتجوزوا ويمشوا وأنا اللي هفضل قاعدة في البيت وهو مكنش عايز كدة واتحجج بحجه إنه يشتري نصيبنا، معرفتش أخد معاه ولا باطل وجيت المحكمة عشان اشتكيه في المحكمة ودخلت البيت المجلس الحسبي عشان أعرف أخد حقي فيه والقضية بقالها 7 سنين شغالة ومخدتش حقي لسه، عشان كان مش معايا حاجة تثبت أن البيت باسم جد ولادي ودولوقتي لقيتهم ولسه بنشوف القضية هيحصل فيها إيه».
تابع أحدث الأخبار عبر
