أخبار محكمة الأسرة اليوم
محكمة الأسرة.. أسامة: معرفش مراتي بتروح فين وتيجي منين وحرماني من العيال
إنذار طاعة في محكمة الأسرة هو الحل الأخير الذي لجأ إليه «أسامة» بحثًا عن حل لمشكلته مع زوجته التي حرمته من أبنائه ومن أسرته من أجل أطماعها في الحصول على أمواله ولم تهتم بخراب بيتها أو دمار أسرتها، حرمت الأب من أبنائه والأبناء من أن يحصلوا على حياة طبيعية مع والدهم، واستمرت في أفعالها حتى أوصلت أسرتها لمحكمة الأسرة.
قصص محكمة الأسرة.. جواز عن طريق المعارف
قال «أسامة» في بداية حديثه: «أنا اتجوزت من 5 سنين، كان جواز عن طريق المعارف ناس قالولي عليها أنها بنت كويسة وبنت ناس محترمة وتقدمت لها ولقيتهم كويسين فعلًا والجواز تم على الأساس ده مكنتش أعرف إن كل ده هيتغير بعد كده».
حكايات محكمة الأسرة.. في مشاكل مع مراتي من زمان
تابع «أسامة» حديثه قائلا: «كان في خلافات بيني كتير أنا ومراتي بس الدنيا كانت ماشية كنت بقول لنفسي أي اتنين بيحصل بينهم مشاكل وإن ده الطبيعي لكن المشاكل كل مادي كانت بتزيد بس كنت بتحمل عشان ابني ميتبهدلش ويقدر يعيش حياة طبيعية مع أمه وأبوه».
دعاوي محكمة الأسرة.. حرمتني من ابني
أكملت الزوجة حديثها قائلة: « لحد أخر مرة حصل بينا مشكلة مراتي خدت ابني وراحت عند أهلها وكانت حامل وقتها، سيبتها عند أهلها فترة قلت يمكن تتعدل وتهدى لكن مفيش فايدة معاها مكانتش عايزة ترجع لحد ما ابني وحشني روحت لها أنا وأهلي عشان نرجعها عاملونا وحش هي وأهلها وطردونا ومخلونيش أشوف ابني حتى ».
قضايا محكمة الأسرة.. معرفش مراتي بتروح فين وتيجي منين
أنهى «أسامة» حديثه: « من وقتها وهي رافعة عليا قضايا نفقة كتير وبتاخد نفقتها وعايشة حياتها في أملة واكلة وشاربة ونايمة بفلوسي وأنا مش واخد منها حقي ولا أعرف حتى هي بتروح فين وبتيجي منين، بنتي اللي اتولدت وهي غضبانة مخلتنيش أشوفها ولا أحضر السبوع بتاعها ولا أسميها حتى بشوفها في الرؤية بس، جيت أرفع إنذار بالطاعة لما لقيتها رفعت عليا زيادة نفقة، مادام عايزة تعيش حياتها بفلوسي يبقى ترجع بيتها».
تابع أحدث الأخبار عبر
