أخبار محكمة الأسرة
«أديت رسالتي».. آمال لـ محكمة الأسرة: بني آدم ميتعاشرش والعيال اتعقدوا منه
28 عامًا كانوا كفاية لتتوجه “آمال” لمحكمة الأسرة لتتخلص من زوجها الذي عاشت معه في عذاب طوال حياتها، وكان نتيجة تحملها له طوال هذه السنين ليس فقط تعذبيها بل أيضا عذاب أولادها الذي لم يكن لهم أي ذنب ولم يختاروا أبيهم، وعندما أدت الزوجة رسالتها قررت أن ترفع دعوى خلع في في محكمة الأسرة لتضع حد لزوجها الذي استحل عذابها.
قصص محكمة الأسرة.. صبرت على جوزي سنين كتير
قالت «آمال» في بداية حديثها: «أنا متجوزة بقالي 28 سنة، جوزي كان ابن خالتي ولما اتجوزنا خلفت منه ولد وبنت، بقالي عمر عايشة معاه وفي أول الجواز كانت الدنيا كويسة ومفيش حاجة هو كان طيب جدا وده اللي خلاني اصبر عليه طول السنين دي».
دعاوي محكمة الأسرة..جوزي راجل عصبي وبيضربني
أكملت «أمال» حديثها وقالت: «المشاكل معاه كانت من زمان بس انا كنت فاكرة إن ده الطبيعي بين اي اتنين متجوزين، كان بيضربني لما يحصل بينا اي مشكلة كان عصبي جدا، كانوا اخواتي بياخدوني عندهم او ينقلوني المستشفى لما يحصل حاجة وهما اللي وقفوا معايا، بس انا سكت واتحملت عشان خاطر ولادي وعشان هو ابن خالتي ومينفعش اطلق منه، مكنتش اعرف ان صبري عليه ده هيخليه يزيد في عمايله وافتراه أكتر وأكتر».
حكايات محكمة الأسرة.. مقدرش أقف قدام جوزي
تابعت «أمال» حديثها قائلة: دمر حياتي انا والعيال كان بيضربنا طول الوقت، وصل بيه انه ضرب ابني الكبير وكسرله رجله وهو عريس جديد من غير سبب هو كدة، وبنتي قبل فرحها باسبوع ضربها علقة وجابلها نزيف كانت هتموت كل ده عشان طلبت منه حجات زيادة وهو مكنش عايز يجيبها، كانوا بيصعبوا عليا بس مكنتش أقدر اعمل حاجة ولا اقف قدامه ».
قضايا محكمة الأسرة.. بني آدم ميتعاشرش
أنهت «امال» حديثها قائلة: «بعد ما ولادي اتجوزوا لقيت اني خلاص اديت رسالتي ومش مضطرة افضل عايشة معاه، هو بني آدم ميتعاشرش، العيال عندهم عقده منه، وأنا كان بيضربني ضرب يكسر العضم، ورفعت عليه قضية خلع لأنه رافض الطلاق الودي».
تابع أحدث الأخبار عبر
