محكمة الأسرة اليوم
قضايا محكمة الأسرة.. سمية في طلاق للضرر: جوزي ماشي يظلم بنات الناس
محكمة الأسرة هي المكان الذي توجهت له “سمية” لتشتكي زوجها وترفع عليه قضية طلاق للضرر بعد المعاناة التي شهدتها في حياتها بسببه، فبدل أن يكون زوجها سند وضهر لها في الدنيا كان هو سبب الألم في حياتها عندما تزوج عليها بأخرى وعندما اكتشفت الزوجة أهانها الزوج وطردها من بيتها وسلبها جميع حقوقها حتى اضطرها أن تلجأ لمحكمة الأسرة كحل أخير للحصول على حريتها وحقوقها.
قصص محكمة الأسرة.. كان عريس مفيهوش غلطة
قالت «سمية» في بداية حديثها : «لما جوزي اتقدملي كان شخص مناسب جدا مفيهوش غلطة كان محترم وطيب وابن ناس، اتجوزت أنا وهو في 2019 خلفت منه ولد والحياة كانت ماشية ومفيش مشاكل في الأول وقت الخطوبة وأول الجواز».
حكايات محكمة الأسرة.. عرفت من التليفون إن جوزي اتجوز عليا
تابعت «سمية» حديثها قائلة: «جوزي كان بيشتغل ويصرف ومكفينا والدنيا ماشية، وكان فعلًا مفيش مشاكل لحد ما لاحظت آخر فترة إنه متغير وبيبات بره البيت ودي مش عادته، كنت حاسه ان فيه حاجة غلط بس مكنتش عارفة أثبت حاجة لحد في مرة ساب تليفونه وعرفت منه انه اتجوز واحدة تانية».
دعاوي محكمة الأسرة.. طردني في الشارع لما عرفت إنه اتجوز عليا
أضافت الزوجة: «لما عرفت انه اتجوز عليا واجهته وقالي اه اتجوزت، مصدقتش نفسي انه اتجوز عليا ومش هامه هو كان بني ادم كويس ومكنش غيه بينا مشاكل ليه يعمل كدة، قلتله مينفعش اللي بيعمله ده ويطلقها رفض وقالي اعملي اللي انتي عايزاه، حصل بينا مشكلة كبيرة وفي الأخر ضربني وطردني أنا وابني في الشارع بليل ورحت عند أمي من وقتها».
قضايا محكمة الأسرة.. جوزي ماشي يظلم في بنات الناس
أنهت «سمية» حديثها قائلة: «من بعد ما رحت عند أهلي وهو مسألش فيا ولا في ابنه رمانا وفضل مكمل مع مراته الجديدة، جيت المحكمة عشان أرفع قضية طلاق للضرر، ولما أهله عرفوا أخوه جه عشان يشهد معايا وعرفت منه ان جوزي اتجوز قبل كدة 10 مرات طل مرة يتجوز واحدة ويرمي التانية وماشي يظلم في بنات الناس».
تابع أحدث الأخبار عبر
