دعاوي محكمة الأسرة.. أسماء: بني آدم نرجسي فاكر نفسه بس اللي بيفهم
كانت “أسماء” في محكمة الأسرة تبحث عن حقوقها التي لم تستطع أن تحصل عليها بطريقة ودية، من زوجها نرجسي الشخصية الذي كانت حياتها معه يملأها الألم والوجع، ولم يصرف عليها طوال حياته معها ليعطي أمواله لأهله، حتى اضطرها أن تلجأ لمحكمة الأسرة بعد انفصالها عنه.
قصص محكمة الأسرة.. جوزي كان غني ومن عيله محترمة
قالت «أسماء» في بداية حديثها: «أنا اتجوزت من 6 سنين معايا من حوزي بنتين تؤام خلفتهم منه اول ما اتجوزت، لما اتقدملي كان يبان عليه اني غني ومن عيلة محترمة وكويسة، ومكنش يبان عليه اي حاجة وحشة قبل الجواز واول سنة جواز كانت كل حاجة ماشية كويس».
دعاوي محكمة الأسرة.. بني آدم نرجسي فاكر نفسه بس بيفهم
أكملت «أسماء» حديثها وقالت: «بعد كام سنة جواز المشاكل بدأت هو الأول كان مسافر بيشتغل برة بس بعد كده رجع وقعد في مصر لما رجع المشاكل زادت أكتر وأكتر، كان بني ادم صعب ونرجسي حياتي معاه كان كلها بهدلة وإهانة مبيصرفش على البيت ولا على البنات وشايف انه صح وكل الناس غلط، استحملته كتير بس بجد كان ميتعاشرش»
أضافت «أسماء»: « أهله كانوا مسيطرين عليه عشان كان بيتشغل بره وراجع معاه فلوس وفاتح صيدليات واخدين كل فلوسه بيسلتفوا منه وأنا وبناتي بناخد من الغريب، لحد ما تعبت منه وملقتش معاه حل قررت اسيبه واطلق منه ولما لقيت مفيش حد هيصلح بينا طلبت الطلاق وهو وافق على طول واخله اقنعوه انه يخلص مني انا والبنات، وفعلا سمع كلامهم ومبقاش يسال فينا من ساعة الطلاق».
قضايا محكمة الأسرة.. بينقطني بالنفقة لو دفعها
أنهت «أسماء» حديثها قائلة: «أهلي وقفوا معايا ساعة الطلاق كان فيه اتفاق بينا انه يديني النفقة ومصاريف البنات اللي محتاجينها كل شهر وبعد الطلاق رجع في الاتفاق، بقى بينقطني بالنفقة كل شهر بيدفع بالعافية ده لو دفع أصلا، وأهله بقى معاهم كل فلوسه وهو معهوش حاجة ودي حجته في عدم دفع النفقة بس. أنا مليش ذنب، رفعت قضايا نفقة عليه عشان حق بناتي ودلوقتي رفعت زيادة نفقة ».
تابع أحدث الأخبار عبر
