سهام لـ محكمة الأسرة : عمل فيا كل حاجة وحشة ومش قادرة أكمل معاه
كانت سهام في محكمة الأسرة مثل العديد من السيدات الاتي كانت شكواهم من ازواجهم عديدة منها الخيانة أو ادمان المخدرات أو عدم صرف أزواجهم عليهم ، ولكن في حالة سهام اجتمعت كل هذه الأسباب في زوجها الذي لم يصون زوجته أو يحميها ويكون سندها في الدنيا، فلم يعطيها الزوج ما تحتاجه من أموال ولم يعطيها أي من حقوقها ، وكان يصرف أمواله على المخدرات وفي النهاية خانها وتطردها من بيتها، لتصل في النهاية لمحكمة الأسرة.
قصص محكمة الأسرة..استحملت حجات محدش يقدر يتحملها
قالت «سهام» في بداية حديثها: «أنا متجوزة من 22 سنة معايا من جوزي 3 أولاد، اتجوزنا عن طريق المعارف والناس المشتركة اللي عرفونا على بعض، كان كويس جدا ومحترم وأهله ناس طيبة ومكنش فيه أي مشاكل، بس المشاكل بدأت وكانت بتزيد من بعد الجواز، استحملت كتير عشان خاطر ولادي لكن هو عمل معايا حجات كتير وحشة مكنش حد يقدر يستحملها ».
حكايات محكمة الأسرة..مبيصرفش وفلوسه ضايعة على المخدرات
تابعت «سهام» حديثها قائلة: «أول مشاكلي معاه كانت المصاريف، كان مبيصرفش عليا أو على الولاد مع إنه بيشتغل ومعاه فلوس بس كان على طول بيدعي إنه مش معاه والفلوس على القد ومش معاه يكفي، ونزلت أن عشان اشتغل واكفي المصاريف والدنيا تمشي، لكن بعد كدة اكتشتف إنه بيشرب مخدرات، عرفت لأنه كان بيشرب قدام عيني وطلع أغلب فلوسه مضيعها على المخدرات».
دعاوي محكمة الأسرة.. بيخوني وكل خناقة يطردني
أضافت «سهام»: «حاولت معاه كتيرإنه يبطل مخدرات لكن هو كان بيرفض، الأول الدنيا كانت أحسن وأقدر استحمل لكن بعد كدة تعبت ومبقتش قادرة، حصل بينا مشاكل كتير كل مشكلة يطردني من البيت ويقولي مش عايزك، وطلبت منه الطلاق كتير لكن هو كان بيرفض، لحد أخر حاجة حصلت خلتني أسيبه هي إني اكتشفت انه كان بيخوني ويعرف واحدة تانية عليا وعرفت لما شوفته بيكلمها ».
قضايا محكمة الأسرة..طردني من البيت ومرجعتش تاني
أنهت «سهام» حديثها قائلة: «عملت معاه مشكلة وقتها وطبعا طردني من البيت بس وقتها خرجت وقررت مش هرجعله تاني، من سنة ونص سايباه، وهو لسه زي ما هو مغيرش ولسه متطلقناش ومع بعض ورفعت عليه قضية تمكين من قريب».
تابع أحدث الأخبار عبر
