دعاوي محكمة الأسرة.. هيام: اتجوز ورمى بنته ودلوقتي عاوزها عند فيا
تواجدت هيام في محكمة الأسرة بسبب زوجها الذي بعد إهماله لزوجته وبنته لسنين عدبدة قرر فجأة أنه يريد ابنته ليس ليرعاها أو يكون لها أب وضهر وسند ولكن ليستكمل أذاه لهيام التي تركته منذ سنين عديدة بسبب أفعاله التي كانت لا تحتمل وعدم أمانته عليها أو على ابنتها، وبعد ظنها أنها انتهت من حياتها معه وانتهت أيضا من أذاه اعادها الزوج لمحكمة الأسرة بسبب عنده ومشاكله التي لا تنتهي.
قصص محكمة الأسرة.. بني أدم صعب محدش يستحمله
قالت «هيام» في بداية حديثها: «أنا اتجوزته من 14 سنة خلفت من بنت واحدة بس، اطلقت بقالي 9 سنين، جوازنا تقليدي جدًا، بعد الجواز وشه الحقيقي بان كان بني أدم صعب ومحدش يقدر يتحمله ولا يتحمل عمايله، كان على طول عصبي ومفيش حاجة عاجباه، وخناقات طول الوقت بسبب ومن غير سبب».
حكايات محكمة الأسرة..اتطلقت بقضية خلع
تابعت «هيام» حديثها قائلة: «الخلافات والمشاكل معاه طول الوقت كانت مبتخلصش كنت عايشة حياة كئيبة، لحد ما بقى على الخناقات يضربني ساعتها قرت اسيبه عشان بقى يضربني وأنا مبقتش قادرة أكمل الحياة معاه كنت خايفة يعمل في أنا وبنتي أي حاجة، بهدلني حتى في الطلاق رفض يطلق ودي واضطريت أطلق بقضية خلع بعد ما بهدلني معاه ».
دعاوي محكمة الأسرة.. اتجوز ورمى بنته مبيسألش عليها
أضافت «هيام»: «بعد الطلاق كل واحد شاف حياته، هو اتجوز وبقى مبيسألش فيا ولا في البنت، مكنش بيصرف عليها جنية، ومرضيتش وقتها أرفع قضايا عليه عشان بنتي وعشان مكنتش عايزة منه أي حاجة، كنت بصرف على بنتي وبعد فترة اتجوزت وهي كانت قاعدة مع والدتي وكانوا ساكنين جنبي وعلى طول بشوفها وأطمن عليها وبصرف عليها لوحدي ».
قضايا محكمة الأسرة.. افتكر بنته لما أمي ماتت
أنهت «هيام» حديثها قائلة: «دلوقتي طليقي رفع قض ضم حضانه لبنتي وهو ميعرفش عنها حاجة بقاله سنين ومبيصرفش عليها حتى هو بيعمل كده عشان والدتي اتوفت لما عرف بوفاتها عاوز يضم حضانة لوالدته وهو أصلًا مش عايزها ولا هياخد باله منها هو بيعمل كده بالعند فيا بس وجيت المحكمة عشان أعرف الإجراءات اللي لازم أخدها».
تابع أحدث الأخبار عبر
