نوال لـ محكمة الأسرة : راميني وأنا حامل وعايش حياه مع القديمة
كانت دعوى خلع ونفقة في محكمة الأسرة هي الحل الأخير الذي لجأت له نوال بعد صدمتها من زوجها الذي تركها دون سؤال أو رعاية من أجل زوجته الأولى ، لم تكن تعلم نوال عند موافقتها على الزواج من زوجها الذي كان له زوجه أولى أنه سوف يأتي يوم ويتركها زوجها وهي حامل من أجلها ولكن كان هذا هو الوضع واستمر في الوضع في السوء حتى اضطرت أن تتوجه لمحكمة الأسرة.
قصص محكمة الأسرة..جوزي متجوز واحدة تانية
قالت «نوال» في بداية حديثها : «أنا اتجوزت من 3 سنين جواز صالونات ، جوزي كان متجوز واحدة تانية قبل كدة بس كان رامي عليها اليمين ، ومفهمني إنه مطلقها ومبقاش بينهم كلام تأني غير عشان العيال بس وأنا صدقته».
حكايات محكمة الأسرة.. مرات جوزي الأولى طلبت ترجعله
تابعت «نوال» حديثها قائلة: «بعد ما اتجوزت مرات جوزي الأولى طلبت ترجعله وهو وافق وقال بس عشان خاطر العيال ، وهو مش هيقعد عندها ولا يكمل معاها هو بس عشان خاطر الولاد ميتبهدلوش، وافقت وقلت مش مشكلة ومفيش حاجة وهو كان كويس معايا عشان كدة سكت».
دعاوي محكمة الأسرة..جوزي بقى مش طايقني خالص
أضافت الزوجة: «بعد ما رجعلها بقى يقعد عندها كتير جدا ويتحجج بالعيال وأنهم محتاجين طلبات ، وهو اللي بيجبها وحتى لما كان بيبقى عندي كانت بتقعد تكلمه كتير وتخليه ميقعدش معايا، صبرت وقلت يمكن بكرة يتعدل لكن مفيش فايدة ، كل مادى بيبقى أسوء بقى مش طايقني خالص، لحد ما اكتشفت إني حامل وقلت يمكن ده اللي يعدله ويخليه يرجعلي لكن كنت غلطانة».
قضايا محكمة الأسرة..راميني أنا وابنه ومبيسالش
أنهت «نوال» حديثها قائلة: «لما عرف إني حامل اتعصب جدا واتضايق ومقالش حتى مبروك وسابني ومشي ومن ساعتها مشفتوش تاني، بقى يبعت مصاريف قليلة اوي ده لو بعت أصلا، وابني اتولد مجاش يشوفه، حاولت معاه كتير انه يرجع لكن هو رفض، ودلوقتي رفعت عليه قضية خلع ونفقة عشان طلبت منه الطلاق وهو رافض الحل الودي ومبيصرفش على ابنه خالص».
