سرق كل عفشي.. أسماء لـ محكمة الأسرة : معندوش مشكلة يتحبس بس ياكل حقي
لجأت «أسماء» لمحكمة الأسرة بعد خسارتها كل شيء في حياتها بسبب زوجها الذي غدر بها وتركها هي وأولادها بدون رحمة وسرق جميع حقوقها، كل ذلك بسبب خلاف ممكن أن يحدث بين أي زوجين، واضطرت الزوجة أن تتوجه لمحكمة الاسرة بحثا عن حقوقها التي حرمت منها.
قصص محكمة الأسرة.. اتجوزت عن طريق المعارف
قالت «أسماء» في بداية حديثها : «أنا اتجوزت من 2015 خلفت من جوزي ولد وبنت، كان جوزا عن طريق المعارف أهلي كانوا يعرفوا حد من أهله وبعد كدة عرفونا على بعض وكان كويس واتقدملي واتجوزنا وخلفت منه والدنيا كانت ماشية كويس ومكنش فيه مشاكل».
حكايات محكمة الأسرة.. حياتنا كانت طبيعية
تابعت «أسماء» حديثها قائلة: «المشاكل مع جوزي كانت طول عمرها عادية زي اي اتنين متجوزين وكانت بتعظي ومكنش فيه حد بيتدخل بينا، هو كان بيشتغل وبيصرف عليا وعلى البيت وعلى العيال، كان فيه شوية مشاكل على المصاريف بس برضو كانت بتتحل والدنيا تمشي ومفيش مشاكل كبيرة بتحصل».
دعاوي محكمة الأسرة..جوزي سرق كل عفشي
أضافت الزوجة: «لحد من كام شهر كدة حصل بينا مشكلة كبيرة بس كان ممكن تتحل لكن اتدخل وقتها ناس من أهل جوزي فيها، وقتها المشكلة كبرت ورحت عند أهلي، بس كنت فاكرة أنها هتتحل وتبقى زي أي مشكلة عادية بس للأسف لما رجعت بيتي عشان اتكلم معاه ونحل المشكلة لقيته أخد كل حاجة هدومي والعفش وكل حاجة في البيت وسايب البيت على البلاط مفيهوش حاجة خالص، حاولت اكلمه وارجع حاجتي قالي ملكيش عندي حاجة».
قضايا محكمة الأسرة..معندوش مشكلة يتحبس بس ياكل حقي
أنهت «أسماء» حديثها قائلة: «اضطريت بعد ما فشلت إني ارجع بيتي زي ما كان وحياتنا زي الأول اجي ارفع قضية تبديد وبرضو مش راضي يسلم العفش وبيقولي هتسجن ومش هديكي حاجة ملكيش عفش عندي ومش عارفة أعمل ايه انا معايا الولاد ومبشتغلش مش قادرة على مصاريفهم ولا حتى في حته نقعد فيها وأهلي مش هيشلوني العمر كله، وهو لسه بيعند ومبيسالش لا فيا ولا في ولادي».
تابع أحدث الأخبار عبر
